ಅಣ್ಣಪೂರ್ಣ ಶಿರಹಟ್ಟಿಮಠ ಅವಿರೋಧ ಆಯ್ಕೆ

ನವಲಗುಂದ : ಇಲ್ಲಿನ ತಾಲೂಕು ಪಂಚಾಯಿತಿಯ ಅಧ್ಯಕ್ಷ ರಾಗಿ ತಾಲೂಕಿನ ಶಿರೂರು ತಾಪಂ ಕ್ಷೇತ್ರದ ಕಾಂಗ್ರೆಸ್‌ ಸದಸ್ಯೆ ಅಣ್ಣಪೂರ್ಣ ಶಿರಹಟ್ಟಿಮಠ ಶುಕ್ರವಾರ ಜರುಗಿದ ಚುನಾವಣೆಯಲ್ಲಿ ಅವಿರೋಧವಾಗಿ ಆಯ್ಕೆಗಿದ್ದಾರೆಂದು ಚುನಾವಣಾಧಿಕಾರಿಗಳು ಘೋಷಣೆ ಮಾಡಿದರು.

ಮಾಜಿ ಸಚಿವ ಕೆ.ಎನ್‌.ಗಡ್ಡಿ ನೇತೃತ್ವದಲ್ಲಿ ನೂರಾರು ಕಾರ್ಯಕರ್ತರು ನೂತನ ಅಧ್ಯಕ್ಷ ರಿಗೆ ಅಭಿನಂದನೆ ಸಲ್ಲಿಸಿದರು. ಬ್ಲಾಕ್‌ ಕಾಂಗ್ರೆಸ್‌ ಅಧ್ಯಕ್ಷ ವರ್ಧಮಾನಗೌಡ ಪಾಟೀಲ್‌, ಮುಖಂಡರಾದ ವಿ.ಪಿ.ಪಾಟೀಲ್‌, ಶಿವಾನಂದ ಪಾಚಂಗಿ, ಬಾಬಣ್ಣ ಹುರಕಡ್ಲಿ, ತಾಪಂ ಸದಸ್ಯ ಬಸವರಾಜ ನರಗುಂದ, ಉಪಾಧ್ಯಕ್ಷ ಯೋಗಪ್ಪ ಗೋಲನಾಯ್ಕರ ಮತ್ತಿತರರಿದ್ದರು.