ಸಂಶಯಿಸಿ 8 ಜನರ ಬಂಧನ

ಧಾರವಾಡ : ಗುಂಪು ಗುಂಪಾಗಿ ನಿಂತು ಗಲಾಟೆ ಅಥವಾ ದುಷ್ಕೃತ್ಯ ಮಾಡಬಹುದು ಎಂಬ ಸಂಶಯದ ಮೇರೆಗೆ ವಿದ್ಯಾಗಿರಿ ಠಾಣೆ ಪೊಲೀಸರು ಗುರುವಾರ 8 ಜನರನ್ನು ತೇಜಸ್ವಿನಗರ ಬ್ರಿಡ್ಜ್‌ ಬಳಿ ಬಂಧಿಸಿದ್ದಾರೆ.

ಕೇಶವನಗರದ ನಿವಾಸಿ ಮಲ್ಲಯ್ಯ ದಾನಯ್ಯ ಮಠದ, ಗಾಂಧಿನಗರದ ವರಣುಕುಮಾರ, ಶಿವರಾಜ ನೆಲವಗಿ, ರಾಮಾಪುರ ಓಣಿಯ ವೀರಪಾಕ್ಷಯ್ಯ ಮಂಜುನಾಥ ಹಿರೇಮಠ,ಬೈರಿದೇವರಕೊಪ್ಪದ ರಜಾಕ ಇಮಾಮಸಾಬ ನಧಾಪ್‌, ನವನಗರದ ಆದಿತ್ಯ ರಾಜಪ್ಪ ಪಡಿಯೇರ್‌, ಮಾಳಮಡ್ಡಿಯ ಶಾರೂಖ ಬಶೀರಅಹ್ಮದ, ನಾಗರಾಜ ಹೂಗಾರ, ಜೈ ಭೀಮನಗರದ ಪಿತಾಂಬರ ಗಜಾನನ ಚಲವಾದಿ ಬಂಧಿತ ಆರೋಪಿಗಳು.

ಗುರುವಾರ ಮಧ್ಯಾಹ್ನ 2ಗಂಟೆಗೆ ವಿದ್ಯಾಗಿರಿ ಠಾಣೆ ಪೊಲೀಸರು ಪೆಟ್ರೋಲಿಂಗ್‌ದಲ್ಲಿರುವಾಗ ತೇಜಸ್ವಿನಗರ ಬ್ರಿಡ್ಜ್‌ ಬಳಿ 8 ರಿಂದ 9 ಜನರು ಗುಂಪು ಗುಂಪಾಗಿ ನಿಂತು ಗಲಾಟೆ ಮಾಡಬಹುದು ಎಂಬ ಸಂಶಯದ ಮೇರೆಗೆ ಶಾಂತಿ ಭಂಗ ಕಲಂ 107 ಅಡಿ ಬಂಧಿಸಲಾಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಹು-ಧಾ ಪೊಲೀಸ್‌ ಆಯುಕ್ತ ಆರ್‌.ದಿಲೀಪ್‌ ಮಾರ್ಗದರ್ಶನದಲ್ಲಿಡಿಸಿಪಿಗಳಾದ ಡಿ.ಎಲ್‌.ನಾಗೇಶ, ಡಾ.ಶಿವಕುಮಾರ ಗುಣಾರೆ ಹಾಗೂ ಎಸಿಪಿ ರುದ್ರಪ್ಪ ಸೂಚನೆ ಮೇರೆಗೆ ವಿದ್ಯಾಗಿರಿ ಠಾಣೆ ಇನ್ಸ್‌ಪೆಕ್ಟರ್‌ ಅಲ್ತಾಫ್‌ ಮುಲ್ಲಾಹಾಗೂ ಸಿಬ್ಬಂದಿ ಬಂಧಿಸಿದ್ದಾರೆ. ಈ ಕುರಿತು ಠಾಣೆಯಲ್ಲಿಪ್ರಕರಣ ದಾಖಲಾಗಿದೆ.