ಕಲಾ ವಸ್ತು ಪ್ರದರ್ಶನ

ಹುಬ್ಬಳ್ಳಿ : ನವನಗರದ ಬೇತೇಲ್‌ ಕನ್ನಡ ಹಾಗೂ ಆಂಗ್ಲ ಮಾಧ್ಯಮ ಪ್ರಾಥಮಿಕ, ಪ್ರೌಢ ಶಾಲೆ ಆವರಣದಲ್ಲಿ ಶಾಲಾ ಮಕ್ಕಳಿಂದ ವಿಜ್ಞಾನ ಮತ್ತು ಕಲಾ ವಸ್ತು ಪ್ರದರ್ಶನ ನಡೆಯಿತು. ವಿದ್ಯಾರ್ಥಿಗಳು ವಿಜ್ಞಾನ ಮತ್ತು ಕಲೆಗೆ ಸಂಬಂಧಿಸಿದ ಸುಮಾರು 350ಕ್ಕೂ ಹೆಚ್ಚು ಮಾದರಿಗಳು ಪ್ರದರ್ಶಿಸಿದರು. ಆಟೊಮ್ಯಾಟಿಕ್‌ ರೈಲ್ವೆ ಕ್ರಾಸಿಂಗ್‌ ಗೇಟ್‌, ಹೈಡ್ರೋಲಿಕ್‌ ಲಿಫ್ಟ್‌, ರೋಬೋಟ್‌, ರಾಕೆಟ್‌ ಉಡಾವಣೆ, ಬಿಆರ್‌ಟಿಸಿ ಪ್ರೊಜೆಕ್ಟ್, ಗ್ಲೋಬಲ್‌ ವಾರ್ಮಿಂಗ್‌, ಡೈನೋಸಾರ್ಸ್‌, ಎಚ್‌ಡಿಎಂಸಿ ಸ್ಮಾರ್ಟ್‌ ಸಿಟಿ, ಕೃಷಿ ವಿಧಾನಗಳು, ಸ್ಟಾಚ್ಯೂ ಆಫ್‌ ಯುನಿಟಿ, ಅಣು ವಿದ್ಯುತ್‌ ಸ್ಥಾವರ, ಸುಪ್ರೀಂ ಕೋರ್ಟ್‌ ಮಾದರಿ ಗಮನ ಸೆಳೆದವು.

ಲೀಲಾವತಿ ತಡಸದ, ಡಾ.ಸೋಮಶೇಖರ ಹೂಗಾರ, ಸೂರಜ್‌ ಕಡ್ಲಿ, ಕುಶಾಲ ಕಪಲಿ, ಜಯಪ್ರಕಾಶ ಸವಣೂರ, ಶಾಲೆಯ ಸಂಸ್ಥಾಪಕಿ ಆರ್‌.ಡಿ.ನಂದಿಹಾಳ, ಸುದೇಶಕುಮಾರ ನಂದಿಹಾಳ, ಲೀಲಾವತಿ ಅರವಟಗಿ ಇದ್ದರು.