ದಾಳಿ: 22 ರೌಡಿಗಳ ಮನೆ ಪರಿಶೀಲನೆ

ಹುಬ್ಬಳ್ಳಿ: ಅವಳಿನಗರದ ರೌಡಿಶೀಟರ್‌ ಮನೆಗಳ ಮೇಲೆ ಪೊಲೀಸರ ದಾಳಿ ಮುಂದುವರಿದಿದ್ದು, ಸೋಮವಾರ ಒಟ್ಟು 22 ರೌಡಿಗಳ ಮನೆಗಳ ಮೇಲೆ ಪೊಲೀಸರು ದಾಳಿ ನಡೆಸಿದರು.

ಎಸಿಪಿ ಎಸ್‌.ಎಂ.ಸಂದಿಗವಾಡ ನೇತೃತ್ವದ ತಂಡ ಹುಬ್ಬಳ್ಳಿ ನಗರದಲ್ಲಿಒಟ್ಟು 19 ರೌಡಿಶೀಟರ್‌ಗಳ ಮನೆಗಳ ಮೇಲೆ ದಾಳಿ ನಡೆಸಿದೆ. ಆದರೆ ಯಾವುದೇ ಮುಂಜಾಗ್ರತಾ ಕ್ರಮ ಯಾವುದೇ ಪ್ರಕರಣ ದಾಖಲಿಸಿಕೊಂಡಿಲ್ಲ. ಇನ್ನು ಧಾರವಾಡ ಉಪ ವಿಭಾಗ ವ್ಯಾಪ್ತಿಯಲ್ಲಿಡಿಸಿಪಿ ಡಾ. ಶಿವಕುಮಾರ ಗುಣಾರೆ ಮಾರ್ಗದರ್ಶನದಲ್ಲಿಎಸಿಪಿ ಎಂ.ಎನ್‌.ರುದ್ರಪ್ಪ ನೇತೃತ್ವದ ತಂಡ ಒಟ್ಟು 3 ಜನ ರೌಡಿಗಳ ಮನೆ ಮೇಲೆ ದಾಳಿ ನಡೆಸಿ ಶೋಧ ಕಾರ್ಯ ಮಾಡಿತು.