ಪ್ರಶಸ್ತಿಗಳು ವ್ಯಕ್ತಿಯ ಜವಾಬ್ದಾರಿ ಹೆಚ್ಚಿಸುತ್ತವೆ

ಧಾರವಾಡ: ವ್ಯಕ್ತಿಗೆ ದೊರೆಯುವ ಪ್ರಶಸ್ತ್ತಿಗಳು ಆತನ ಜವಾಬ್ದಾರಿ ಹೆಚ್ಚಿಸುತ್ತವೆ ಎಂದು ಹುಬ್ಬಳ್ಳಿ-ಧಾರವಾಡ ಮಹಾನಗರದ ಉಪ ಪೋಲಿಸ್‌ ಆಯುಕ್ತ ಎಂ.ಎನ್‌ ರುದ್ರಪ್ಪ ಹೇಳಿದರು.

ಎಂ.ಎನ್‌ ರುದ್ರಪ್ಪ ಅವರಿಗೆ ರಾಷ್ಟ್ರಪತಿಗಳ ಸೇವಾ ಪದಕ ದೊರೆತ ನಿಮಿತ್ತ ನಗರದ ಜೆಎಸ್‌ಎಸ್‌ ಕಾಲೇಜಿನಲ್ಲಿ ಜನತಾ ಶಿಕ್ಷ ಣ ಸಮಿತಿ ವತಿಯಿಂದ ಹಮ್ಮಿಕೊಂಡ ಸನ್ಮಾನ ಸಮಾರಂಭದಲ್ಲಿ ಇತ್ತೀಚೆಗೆ ಅವರು ಮಾತನಾಡಿದರು.

ಪ್ರಶಸ್ತಿಗಳು ಕರ್ತವ್ಯದಲ್ಲಿರುವ ಅವನ ಪ್ರತಿ ಹೆಜ್ಜೆಯಲ್ಲೂ ಎಚ್ಚರಿಸುತ್ತವೆ. ಪ್ರಾಮಾಣಿಕತೆಯಿಂದ ಕಾರ್ಯ ನಿರ್ವಹಿಸಿದರೆ ಪ್ರಶಸ್ತಿಗಳು ತಾನಾಗಿಯೇ ಹುಡುಕಿಕೊಂಡು ಬರುತ್ತವೆ ಎಂದರು.

ಜನತಾ ಶಿಕ್ಷ ಣ ಸಮಿತಿ ವಿತ್ತಾಧಿಕಾರಿ ಡಾ.ಅಜಿತ ಪ್ರಸಾದ ಮಾತನಾಡಿ, ಎಂ.ಎನ್‌ ರುದ್ರಪ್ಪನವರು ಮೂಲತಃ ಪ್ರಾಧ್ಯಾಪಕ ವೃತ್ತಿಯಿಂದ ಬಂದಿರುವ ಅವರಿಗೆ ಧಾರವಾಡದ ಭೂಮಿಯೇ ಕರ್ಮಭೂಮಿಯಾಗಿದೆ. ಅವರ ದಕ್ಷ ತೆ, ಪ್ರಾಮಾಣಿಕ ಸೇವೆಗೆ ಈ ಅತ್ಯುನ್ನತ ಪ್ರಶಸ್ತಿ ಅರಸಿ ಬಂದಿದ್ದು, ಧಾರವಾಡಕ್ಕೂ ಹೆಮ್ಮೆಯ ಗರಿ ಮೂಡಿದಂತಾಗಿದೆ ಎಂದರು.

ಮಹಾವೀರ ಉಪಾದ್ಯೆ ಮಾತನಾಡಿ, ಸಾವಿರಾರು ಶಿಷ್ಯ ಬಳಗವನ್ನು ಹೊಂದಿರುವ ರುದ್ರಪ್ಪನವರು ಕ್ರೀಡಾ ಸಾಧಕರಾಗಿ ಪೊಲೀಸ್‌ ಇಲಾಖೆಯಲ್ಲಿ ವಿಶಿಷ್ಟ ಸೇವೆ ಸಲ್ಲಿಸಿ ನಗರವನ್ನು ಶಾಂತಿ ಪ್ರಿಯರ ನಗರವನ್ನಾಗಿ ಮಾಡಿದ್ದಾರೆ. ಮೃದು, ಮಿತಭಾಷಿಗಳಾದ ಅವರಿಗೆ ಸೇವೆ ಇನ್ನೂ ಧಾರವಾಡಕ್ಕೆ ದೊರಕಲಿ ಎಂದು ಹಾರೈಸಿದರು.

ಜೆಎಸ್‌ಎಸ್‌ನ ದೈಹಿಕ ನಿರ್ದೇಶಕ ಜಿನೇಂದ್ರ ಕುಂದಗೋಳ, ಡಾ.ಜಿನದತ್ತ ಹಡಗಲಿ, ಸೂರಜ ಜೈನ್‌, ಡಾ.ಜಿ.ಕೃಷ್ಣಮೂರ್ತಿ, ಡಾ. ಅರುಣ ಶಿರಹಟ್ಟಿ, ಚೆನ್ನು ನೂಲ್ವಿ ಸೇರಿದಂತೆ ಉಪಸ್ಥಿತರಿದ್ದರು.