ರೈತನ ಮೇಲೆ ಕರಡಿ ದಾಳಿ

ಕಲಘಟಗಿ: ಸೋಮವಾರ ಬೆಳಗ್ಗೆ ಹೊಲದ ಕಡೆ ಹೋದ ರೈತನ ಮೇಲೆ ಕರಡಿ ದಾಳಿ ನಡೆಸಿದ ಘಟನೆ ಸೋಮವಾರ ತಂಬೂರ ಗ್ರಾಮದಲ್ಲಿನಡೆದಿದೆ.
ಗಂಗು ಕೇಮು ಎಡೆಗೆ ವಯಾ (40) ದಾಳಿಗೊಳಗಾದ ರೈತ. ಈತ ಅರಣ್ಯ ಪ್ರದೇಶಕ್ಕೆ ಹೊಂದಿಕೊಂಡ ತಂಬೂರ ಗ್ರಾಮದ ಹತ್ತಿರ ಕರಡಿಯೊಂದಿಗೆ ಹೋರಾಡಿ ಪಾರಾಗಿದ್ದಾನೆ. ಆರ್‌ಎಫ್‌ಓ ಶ್ರೀಕಾಂತ ಪಾಟೀಲ ಸ್ಥಳಕ್ಕೆ ಭೇಟಿ ನೀಡಿ ಗಾಯಾಳುವನ್ನು ಕಿಮ್ಸ್‌ಗೆ ದಾಖಲಿಸಿ ಚಿಕಿತ್ಸೆ ಕೊಡಿಸಿದ್ದಾರೆ.

ನಂತರ ಮಾಜಿ ಸಚಿವ ಸಂತೋಷ ಲಾಡ್‌ಅವರ ಆದೇಶದ ಮೇರೆಗೆ ಜಿ.ಪಂ. ಮಾಜಿ ಅಧ್ಯಕ್ಷ ಎಸ್‌.ಆರ್‌.ಪಾಟೀಲ, ಆಪ್ತ ಕಾರ್ಯದರ್ಶಿ ಎನ್‌.ಎಮ್‌ ಹರಿಶಂಕರ,ಬ್ಲಾಕ್‌ ಕಾಂಗ್ರೆಸ್‌ ಅಧ್ಯಕ್ಷ ಮಂಜುನಾಥ ಮುರಳ್ಳಿ,ಗುರು ಬೆಂಗೇರಿ ಕಾರ್ಯಕರ್ತರ ಸಮೇತ ಭೇಟಿ ನೀಡಿ ಗಾಯಾಳು ಕುಟುಂಬಕ್ಕೆ ಧನಸಹಾಯ ನೀಡಿದ್ದಾರೆ.