ಬೆಳವಡಿ ಮಲ್ಲಮ್ಮ ಮಹಿಳಾ ಮಂಡಳಿದ 6ನೇ ವಾರ್ಷಿಕೋತ್ಸವ, ನಗೆಹಬ್ಬ

ಅಣ್ಣಿಗೇರಿ : ತಂತ್ರಜ್ಞಾನ ಯುಗದಲ್ಲಿ ಜೀವನದ ಏರಿಳಿತಗಳಲ್ಲಿ ಸಶಕ್ತ ಬದುಕನ್ನು ಕಂಡುಕೊಳ್ಳುವಲ್ಲಿ ಮಹಿಳೆಯರು ವಿಫಲವಾಗಿತ್ತಿರುವುದು ವಿಷಾದನೀಯ. ಅದಕ್ಕಾಗಿ ಪ್ರಧಾನಿ ಮಂತ್ರಿ ನರೇಂದ್ರ ಮೋದಿ ಮಹಿಳೆಯರ ಕಲ್ಯಾಣಕ್ಕಾಗಿ ಹಲವಾರು ಜನಪರ ಯೋಜನೆ ಕಾರ್ಯಕ್ರಮಗಳನ್ನು ಜಾರಿಗೆ ತಂದಿದ್ದಾರೆ ಎಂದು ಶಿಲ್ಪಾ ಜಗದೀಶ ಶೆಟ್ಟರ ಹೇಳಿದರು.

ಸ್ಥಳೀಯ ವಿದ್ಯಾನಗರದ ಉದ್ಯಾನವನದಲ್ಲಿ ಬೆಳವಡಿ ಮಲ್ಲಮ್ಮ ಮಹಿಳಾ ಮಂಡಳಿದ 6ನೇ ವಾರ್ಷಿಕೋತ್ಸವ ಹಾಗೂ ನಗೆಹಬ್ಬದ ಕಾರ್ಯಕ್ರಮವನ್ನು ಉದ್ಘಾಟಿಸಿ ಅವರು ಮಾತನಾಡಿದರು.

ಹೆಣ್ಣು ಮಕ್ಕಳನ್ನು ಉಳಿಸಿ ಬೆಳೆಸಿ ಎಂಬ ಆಂದೋಲನದ ಮೂಲಕ ಉಚಿತ ಅರೋಗ್ಯ ತಪಾಸಣೆ, ಗೃಹ ಕೈಗಾರಿಕೆ, ಉದ್ಯೋಗ, ಉಚಿತ ಗ್ಯಾಸ್‌, ವಿದ್ಯಾಬ್ಯಾಸಕ್ಕೆ ಸ್ಕಾಲರಶೀಪ್‌, ಶಿಕ್ಷ ಣ, ಲ್ಯಾಪ್‌ಟ್ಯಾಪ್‌, ತಾಂತ್ರಿಕ ವಿದ್ಯಾರ್ಥಿಗಳಿಗೆ ಬ್ಯಾಂಕ್‌ನಿಂದ ಬಡ್ಡಿ ರಹಿತ ಆರ್ಥಿಕ ನೆರವು, ರಿಯಾಯಿತಿ ದರದಲ್ಲಿ ಮೋದಿ ಜನೌಷಧಿ ಸೇರಿದಂತೆ ಅನೇಕ ಯೋಜನೆಗಳನ್ನು ನೀಡಿದ್ದು ಅವುಗಳ ಉಪಯೋಗ ಪಡೆದುಕೊಳ್ಳಬೇಕು. ಮುಂಬರುವ ಚುನಾವಣೆಯಲ್ಲಿ ಮೋದಿ ಅವರು ಮತ್ತೆ ಅಧಿಕಾರದ ಚುಕ್ಕಾಣಿ ಹಿಡಿಯಲು ಮಹಿಳೆಯರು ಶ್ರಮಿಸೋಣ ಎಂದರು.

ಜ್ಯೋತಿ ಜೋಶಿ, ಪ್ರಭಾವತಿ ಮುನೇನಕೊಪ್ಪ, ವಿಜಯಲಕ್ಷ್ಮಿ ಪಾಟೀಲ, ಶಾಂತಕ್ಕ ನಿಡವಣೆ, ರಾಜೇಶ್ವರಿ ದೇಶಮುಖ, ಕಸ್ತೂರಿ ದಳವಾಯಿ ಮಾತನಾಡಿದರು. ದಾಸೋಹಮಠದ ಶಿವಕುಮಾರ, ಅಂತೂರು-ಬೆಂತೂರ ಬೂದಿಸ್ವಾಮಿ ಹಿರೇಮಠದ ಕುಮಾರ ದೇವರು ಉದ್ಘಾಟಿಸಿದರು.

ಸಂಸ್ಥಾಪಕ ಅಧ್ಯಕ್ಷೆ ಶಕುಂತಲಾ ಬೆಂಡಿಗೇರಿ ಅಧ್ಯಕ್ಷ ತೆ ವಹಿಸಿದ್ದರು. ಪ್ರಭಾವತಿ ಯಳವತ್ತಿ ವರದಿವಾಚನ ಮಂಡಿಸಿದರು. ಎಸ್‌.ಸಾಲಿಮಠ ನಿರೂಪಿಸಿದರು. ಶಶಿಕಲಾ ಯಮನೂರ ಸ್ವಾಗತಿಸಿದರು. ರಜನಿಬಾಯಿ ವೇರ್ಣೇಕರ ಪ್ರಾರ್ಥಿಸಿದರು. ಮಕ್ಕಳಿಂದ ಸಾಂಸ್ಕೃತಿಕ ಕಾರ್ಯಕ್ರಮಗಳು ಜರುಗಿದವು.