55ಸಾವಿರ ಮೌಲ್ಯದ ಪುಸ್ತಕ ಮಾರಾಟ

ಸಮ್ಮೇಳನದಲ್ಲಿ 55ಸಾವಿರಕ್ಕೂ ಅಧಿಕ ಮೌಲ್ಯದ ಕನ್ನಡ ಪುಸ್ತಕಗಳು ಮಾರಾಟವಾಗಿವೆ. ಸಾಹಿತ್ಯ ಸಮ್ಮೇಳನಕ್ಕೆ ಬಳ್ಳಾರಿ ಜಿಲ್ಲೆಯ ಪಲ್ಲವ ಪ್ರಕಾಶನ, ಬೆಂಗಳೂರಿನ ಜ್ಞಾನಯೋಗಿ ಪಬ್ಲಿಕೇಷನ್‌, ಪರಿಮಳ ಪ್ರಕಾಶನ ಹಾಗೂ ಧಾರವಾಡದ ಸಮಾಜ ಪುಸ್ತಕಾಲಯ ಪ್ರಕಾಶದ ತಲಾ ಒಂದೊಂದು ಸೇರಿದಂತೆ ಒಟ್ಟು ನಾಲ್ಕು ಮಳಿಗೆಗಳನ್ನು ತೆರೆಯಲಾಗಿತ್ತು.

ಬೆಂಗಳೂರಿನ ಜ್ಞಾನಯೋಗಿ ಪಬ್ಲಿಕೇಷನ್‌ ಎರಡು ದಿನದಲ್ಲಿ 30 ಸಾವಿರ ವಹಿವಾಟು ನಡೆಸಿದ್ದು, ಮನೆಯ ಔಷಧ, ವಿವೇಕಾನಂದ ವಿವೇಕವಾಣಿ ಎಂಬ ಪುಸ್ತಕಗಳು ಹೆಚ್ಚು ಮಾರಾಟವಾಗಿವೆ. ಬಳ್ಳಾರಿಯ ಪಲ್ಲವ ಪ್ರಕಾಶನ, ಬೆಂಗಳೂರಿನ ಪರಿಮಳ ಪ್ರಕಾಶನ ಹಾಗೂ ಧಾರವಾಡದ ಸಮಾಜ ಪುಸ್ತಕಾಲಯ ಪ್ರಕಾಶವೂ ಉತ್ತಮ ವಹಿವಾಟು ನಡೆಸಿದೆ ಎಂದ ಪ್ರಕಾಶಕರು ತಿಳಿಸಿದ್ದಾರೆ.