ಅನಧಿಕೃತವಾಗಿ ಬಿಪಿಎಲ… ಕಾರ್ಡ್‌ ಹಿಂದಿರುಗಿಸಲು ಗಡುವು

ಹುಬ್ಬಳ್ಳಿ : ಸುಳ್ಳು ಮಾಹಿತಿ ನೀಡಿ ಅನಧಿಕೃತವಾಗಿ ಬಿಪಿಎಲ… ಕಾರ್ಡ ಪಡೆದಿರುವವರು ಸೆ.30ರೊಳಗಾಗಿ ಕಾರ್ಡ್‌ಗಳನ್ನು ಸರಕಾರಕ್ಕೆ ಹಿಂದಿರುಗಿಸಬೇಕು.
ಆದಾಯ ತೆರಿಗೆ ಪಾವತಿಸುತ್ತಿರುವವರು, ಒಂದು ಸಾವಿರ ಚದುರ ಅಡಿಗೂ ದೊಡ್ಡದಾದ ಪಕ್ಕಾ ಮನೆ ಹೊಂದಿರುವವರು, ರಾಜ್ಯ ಹಾಗೂ ಕೇಂದ್ರ ಸರಕಾರದ ನೌಕರರು, ಇತರ ಖಾಸಿಗಿ ಕಂಪನಿ, ಬ್ಯಾಂಕ್‌ ಉದ್ಯೋಗಿಗಳು, ಉದ್ದಿಮೆದಾರರು, ಸ್ವತಃ ಕಾರು, ಲಾರಿ, ಜೆಸಿಬಿ ಮೊದಲಾದ ವಾಹನ ಹೊಂದಿರುವರು, ಮನೆ ಬಾಡಿಗೆ ಆದಾಯ ಪಡೆಯುವವರು, ನಿವೃತ್ತಿ ಹೊಂದಿರುವ ಸರಕಾರಿ ನೌಕರರು ಸ್ವಂತ ಹಾಗೂ ಮನೆಯವರ ಹೆಸರಿನಲ್ಲಿಬಿಪಿಎಲ… ಕಾರ್ಡ್‌ ಹೊಂದಿದ್ದಾರೆ. ಇದು ನಿಯಮ ಬಾಹಿರವಾಗಿದೆ. ಇಂಥವರ ವಿರುದ್ಧ 1977ರ ಕರ್ನಾಟಕ ಅನಧಿಕೃತ ಪಡಿತರದ ಮಾಲಿಕತ್ವದ ಪ್ರತಿಬಂಧಕ ಕಾಯಿದೆ ಅನುಸಾರ ಕ್ರಿಮಿನಲ್‌ ಮೊಕದ್ದಮೆ ದಾಖಲಿಸಲಾಗುವುದು ಎಂದು ಹುಬ್ಬಳ್ಳಿ ಆಹಾರ ನಾಗರಿಕ ಸರಬರಾಜು ಮತ್ತು ಗ್ರಾಹಕರ ವ್ಯವಹಾರಗಳ ಸಹಾಯಕ ನಿರ್ದೇಶಕರು ಪ್ರಕಟಣೆಯಲ್ಲಿತಿಳಿಸಿದ್ದಾರೆ.