ಮೆರವಣಿಗೆ ಮೂಲಕ ಹಾಸ್ಯ ಜಾಗೃತಿ

ಹುಬ್ಬಳ್ಳಿ :ನಗರದ ಹು-ಧಾ ಸುಹಾಸ್ಯ ಪರಿವಾರಗಳ ಒಕ್ಕೂಟ ವತಿಯಿಂದ ಇತ್ತೀಚೆಗೆ ವಿಶ್ವ ಹಾಸ್ಯ ದಿನದ ಅಂಗವಾಗಿ ಇಂದಿರಾ ಗ್ಲಾಸ್‌ ಹೌಸ್‌ದಿಂದ ಮೆರವಣಿಗೆ ಹೊರಟು ಬಸವವನದ ಮುಖಾಂತರ ಚನ್ನಮ್ಮ ವೃತ್ತದಿಂದ ಮರಳಿ ಇಂದಿರಾ ಗ್ಲಾಸ್‌ ಹೌಸ್‌ ತಲುಪಿತು.

ಇದೇ ಸಂದರ್ಭದಲ್ಲಿ ಮೆರವಣಿಗೆಯಲ್ಲಿ ವಿಶ್ವಹಾಸ್ಯ ಘೋಷಣೆಗಳನ್ನು ಕೂಗಿದರು. ನಗು ಮುಖದಿಂದ ಇದ್ದರೆ ಮನುಷ್ಯನ ಆರೋಗ್ಯ ಎಲ್ಲಾ ರೀತಿಯಲ್ಲಿ ಚೆನ್ನಾಗಿರುತ್ತದೆ. ಅದಲ್ಲದೆ ಮನುಷ್ಯಗೆ ಇದ್ದ ಬಿಪಿ, ಶುಗರ್‌, ಕಾಲು ನೋವುಗಳು ಮಾಯವಾಗುತ್ತವೆ ಆವರು ಶೀಘ್ರವಾಗಿ ಗುಣಮುಖರಾಗುತ್ತಾರೆ ಎಂಬುದು ಸಾಬೀತಾಗಿದೆ ಎಂಬುದನ್ನು ಜನರಿಗೆ ಮನವರಿಕೆ ಮಾಡಿದರು.

ನಂತರ ನಗರದ ಹೆಬಸೂರ ಭವನದಲ್ಲಿ ಸಾಂಸ್ಕೃತಿಕ ಹಾಗೂ ಮನರಂಜನೆ ಕಾರ್ಯಕ್ರಮ ಮಾಡುವ ಮೂಲಕ ಸಾರ್ವಜನಿಕರನ್ನು ಮನರಂಜಿಸಿದರು. ಸುಹಾಸ್ಯ ಪರಿವಾರಗಳ ಅಧ್ಯಕ್ಷ ಬಸವರಾಜ ಹೆಬಸೂರ, ಎಂ.ಎಸ್‌. ಗರಗ, ಡಾ.ಹಿರೇಗೌಡ್ರ, ಗಂಗಾಧರ ಮಾರಶಿಳ್ಳಿ, ಎಸ್‌.ಪಿ.ಹಿರೇಮಠ ಸೇರಿದಂತೆ ಇತರ ಗಣ್ಯರು ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದರು.