ಗೋ ಉತ್ಪನ್ನಗಳ ಬಳಕೆಗೆ ಮುಂದಾಗಿ

ಹುಬ್ಬಳ್ಳಿ : ಗೋ ಮಾತೆ ಉತ್ಪನ್ನಗಳು ಇಂದು ಎಲ್ಲೆಡೆ ಹೆಚ್ಚು ಪ್ರಚಾರಗೊಳ್ಳುತ್ತಿದ್ದು ಸಾರ್ವಜನಿಕರು ಕೂಡಾ ಗೋ ಉತ್ಪನ್ನಗಳ ಬಳಕೆಗೆ ಮುಂದಾಗಿರುವುದು ಶ್ಲಾಘನೀಯ ಎಂದು ಮೂರುಸಾವಿರಮಠದ ಶ್ರೀ ಗುರುಸಿದ್ದ ರಾಜಯೋಗಿಂದ್ರ ಸ್ವಾಮೀಜಿ ಹೇಳಿದರು.

ಮೂರುಸಾವಿರಮಠದಲ್ಲಿ ಭಾರತೀಯ ಗೋ ಪರಿವಾರ ಮತ್ತು ಆರೋಗ್ಯ ಭಾರತಿ ಕರ್ನಾಟಕ ಉತ್ತರ ಪ್ರಾಂತ ಆಶ್ರಯದಲ್ಲಿ ಗುರುವಾರ ಗೋ ಮೂತ್ರ ಪುಡಿಯಿಂದ ತಯಾರಿಸಿದ ಸುರಭಿಸಾರ ಕ್ಯಾಪ್ಸುಲ್‌ಗಳನ್ನು ಬಿಡುಗಡೆ ಮಾಡಿ ಮಾತನಾಡಿದರು.

ರಾಮಚಂದ್ರಾಪುರ ಮಠದ ಶ್ರೀ ರಾಘವೇಶ್ವರ ಸ್ವಾಮೀಜಿ ಗೋವುಗಳ ರಕ್ಷಣೆ ಹಾಗೂ ಅವುಗಳ ಬೆಳೆಸುವಿಕೆಯಲ್ಲಿ ಪ್ರಮುಖ ಪಾತ್ರ ನಿರ್ವಹಿಸುತ್ತಿದ್ದಾರೆ. ಗೋವಿನ ಅರ್ಕದಿಂದ ಹಲವಾರು ಉತ್ಪನ್ನಗಳನ್ನು ತಯಾರಿಸುವ ಮೂಲಕ ಸಮಾಜಕ್ಕೆ ಅಮೂಲ್ಯವಾದ ಕೊಡುಗೆ ನೀಡುತ್ತಿದ್ದಾರೆ ಎಂದು ಹೇಳಿದರು.

ಸುರಭಿಸಾರ ಮಾತ್ರೆ ತಯಾರಕ ರಾಘವೇಂದ್ರ ಹೆಮ್ಮನ್ನ ಮಾತನಾಡಿ, ಮನುಷ್ಯನಲ್ಲಿರುವ ರೋಗಗಳಿಗೆ ಗೋ ಉತ್ಪನ್ನಗಳಿಂದ ಪರಿಹಾರ ಕಂಡುಕೊಳ್ಳಬಹುದು ಎಂಬುದನ್ನು ಸಾಬೀತು ಮಾಡಲಾಗಿದೆ ಎಂದರು.

ಹೆಗ್ಗೇರಿ ಆಯುರ್ವೇದ ಮಹಾವಿದ್ಯಾಲಯದ ಪ್ರಾಚಾರ್ಯ ಡಾ. ಪ್ರಶಾಂತ ಎ.ಎಸ್‌.,ಡಾ. ಡಿ.ಪಿ.ರಮೇಶ ಮಾತನಾಡಿದರು. ಬೇರುಲಾಲ ಜೈನ್‌, ಎಸ್‌.ಎ.ಪಾಟೀಲ ಸೇರಿದಂತೆ ಇನ್ನಿತರರು ಇದ್ದರು.