100 ದಿನಸಿ ವಸ್ತುಗಳ ಕಿಟ್‌ ವಿತರಣೆ

ಧಾರವಾಡ: ಸ್ವಾಮಿ ವಿವೇಕಾನಂದ ಯೂತ್‌ ಮೂವ್‌ಮೆಂಟ್‌, ಧಾರವಾಡದ ಟಾಟಾ ಮೋಟಾರ್ಸ್ ಅವರ ಆರ್ಥಿಕ ಸಹಕಾರದಿಂದ ಲಾಕ್‌ಡೌನ್‌ ಸಂದರ್ಭದಲ್ಲಿಸಂಕಷ್ಟದಲ್ಲಿರುವ ಸಮುದಾಯದ ಜನರಿಗೆ 100 ಕಿರಾಣಿ ವಸ್ತುಗಳ ಕಿಟ್‌ಗಳನ್ನು ಜಿಲ್ಲಾಡಳಿತದಿಂದ ಸ್ಥಾಪಿಸಲಾಗಿರುವ ಕೇಂದ್ರಕ್ಕೆ ಶನಿವಾರ ಸಲ್ಲಿಸಲಾಯಿತು.

ನಗರದ ಸನ್ಮತಿ ಮಾರ್ಗದಲ್ಲಿನ ಅಂಬೇಡ್ಕರ್‌ ಭವನದಲ್ಲಿನಿರ್ಮಿಸಲಾದ ಪರಿಹಾರ ಸಾಮಗ್ರಿಗಳ ಸ್ವೀಕೃತಿ ಕೇಂದ್ರದಲ್ಲಿಶಿಕ್ಷಣ ಇಲಾಖೆಯ ಉಪ ನಿರ್ದೇಶಕ ಎಂ.ಎಲ್‌ ಹಂಚಾಟೆ ಅವರು ಕಿರಾಣಿ ಕಿಟ್‌ಗಳನ್ನು ಸ್ವೀಕರಿಸಿ, ಅಗತ್ಯವಿರುವ ಸಮುದಾಯಕ್ಕೆ ಕಿಟ್‌ಗಳನ್ನು ವಿತರಿಸಲಾಗುವುದು ಎಂದರು. ಇಂತಹ ಸಂಕಷ್ಟ ಕಾಲದಲ್ಲಿಸರಕಾರದ ಜತೆಗೆ ಸಾಮಾಜಿಕ ಸಂಘ ಸಂಸ್ಥೆಗಳ ಸೇವೆ ಅತ್ಯಂತ ಮಹತ್ವದ್ದಾಗಿದೆ ಎಂದರು. ಕಿಟ್‌ನಲ್ಲಿ5 ಕೆಜಿ ಅಕ್ಕಿ, 2 ಕೆಜಿ ಗೋಧಿ ಹಿಟ್ಟು, 1 ಕೆಜಿ ಎಣ್ಣೆ, 1ಕೆಜಿ ಬೇಳೆ, 2 ಕೆಜಿ ಈರುಳ್ಳಿ, 2 ಕೆಜಿ ಆಲೂಗಡ್ಡೆ, 1ಕೆಜಿ ಉಪ್ಪು ಇಡಲಾಗಿದೆ.

ಸ್ವಾಮಿ ವಿವೇಕಾನಂದ ಯೂತ್‌ ಮೂವ್‌ಮೆಂಟ್‌ ನಿರ್ವಹಣಾ ಸಮಿತಿ ಸದಸ್ಯರಾದ ಡಾ. ಗೋಪಾಲಕೃಷ್ಣ ಜೋಶಿ, ಪ್ರೊ. ಗೋಪಾಲ ಕಮಲಾಪೂರ, ಕಾರ್ಯಕ್ರಮ ಸಂಯೋಜಕ ಜಯಂತ ಕೆ.ಎಸ್‌, ರವಿ ಯಲಿಗಾರ, ಚಿದಂಬರ ಶಾಸ್ತ್ರಿ, ಅನಿಲ ಮಳಗಿ ಟಾಟಾ ಮೋಟಾರ್ಸ್ನ ಸುನೀಲ ರೋಡ್ರೀಗಸ್‌, ರಮೇಶ ಕೆ., ಡಾ. ಮಹಮದ್‌ ಷರೀಫ್‌, ರಾಜಶೇಖರ ಬೆಲ್ಲದ ಇತರರು ಉಪಸ್ಥಿತರಿದ್ದರು.