ಟಿಂಗರೀಕರ್‌ ಜಾಮೀನು ಅರ್ಜಿ ವಿಚಾರಣೆ ಮತ್ತೆ ಮುಂದೂಡಿದ ಹೈಕೋರ್ಟ್

ಧಾರವಾಡ: ಯೋಗೀಶ ಗೌಡ ಹತ್ಯೆ ಪ್ರಕರಣದಲ್ಲಿ ಪೊಲೀಸ್‌ ತನಿಖಾಧಿಕಾರಿಯಾಗಿದ್ದ ಇನ್ಸ್‌ಪೆಕ್ಟರ್‌ ಚನ್ನಕೇಶವ ಟಿಂಗರೀಕರ್‌ ಸಲ್ಲಿಸಿರುವ ನಿರೀಕ್ಷಣಾ ಜಾಮೀನು ಅರ್ಜಿ ವಿಚಾರಣೆ ಸೋಮವಾರ ಧಾರವಾಡ ಹೈಕೋರ್ಟ್‌ ಪೀಠದಲ್ಲಿ ನಡೆಯಿತು.

ಏಕಸದಸ್ಯ ಪೀಠದ ಎದುರು ವಿಚಾರಣೆ ಆರಂಭಗೊಳ್ಳುತ್ತಿದ್ದಂತೆ ಸಿಬಿಐ ಪರ ವಕೀಲರು ನಿರೀಕ್ಷಣಾ ಜಾಮೀನಿಗೆ ತಕರಾರು ಸಲ್ಲಿಸಿದರು. ಈ ವೇಳೆ ಟಿಂಗರೀಕರ್‌ ಪರ ವಕೀಲರು ವಾದ ಮಂಡಿಸಿ, ಯೋಗೀಶ ಗೌಡ ಹತ್ಯೆ ನಡೆದ ಬಳಿಕ ಅರ್ಜಿದಾರರು ದೂರು ದಾಖಲಿಸಿಕೊಂಡು ಕಾನೂನು ಅಡಿ ತನಿಖೆ ಮಾಡಿದ್ದಾರೆ. ಇನ್ನು ತನಿಖೆ ನಡೆಯುತ್ತಿರುವಾಗಲೇ ಉಪನಗರ ಠಾಣೆಯಿಂದ ಅರ್ಜಿದಾರರ ವರ್ಗಾವಣೆ ಆಯಿತು.

ಧಾರವಾಡದ 4 ಬಿಜೆಪಿ ಜಿಪಂ ಸದಸ್ಯರು ಅನರ್ಹ..! ಚುನಾವಣಾ ಆಯೋಗದ ಆದೇಶ ಎತ್ತಿಹಿಡಿದ ಕೋರ್ಟ್‌

ನಂತರ ಬಂದ ತನಿಖಾಧಿಕಾರಿ ತನಿಖೆ ಮುಂದುವರಿಸಿ ಅಂತಿಮವಾಗಿ ಅವರೇ ನ್ಯಾಯಾಲಯಕ್ಕೆ ದೋಷಾರೋಪ ಪಟ್ಟಿ ಸಲ್ಲಿಸಿದ್ದಾರೆ. ಹೀಗಾಗಿ ಇದರಲ್ಲಿ ಅವರ ಪಾತ್ರ ಏನೂ ಇಲ್ಲ. ಆದರೂ ಸಿಬಿಐ ಅಧಿಕಾರಿಗಳು ಅರ್ಜಿದಾರರನ್ನು (ಟಿಂಗರೀಕರ್‌) ಬಂಧಿಸಲು ಸರಕಾರದಿಂದ ಅನುಮತಿ ಪಡೆದಿದ್ದಾರೆ. ಹೀಗಾಗಿ ನಿರೀಕ್ಷಣಾ ಜಾಮೀನು ಮಂಜೂರು ಮಾಡಬೇಕು ಎಂದು ನ್ಯಾಯಪೀಠಕ್ಕೆ ಮನವಿ ಮಾಡಿದರು.

ಠಾಣಾ ತನಿಖಾಧಿಕಾರಿಯಾಗಿದ್ದ ಚೆನ್ನಕೇಶವ ಟಿಂಗರಿಕರ್‌ ಜಾಮೀನು ಅರ್ಜಿ ವಿಚಾರಣೆ ಮುಂದೂಡಿಕೆ

ವಾದ ಆಲಿಸಿದ ನ್ಯಾಯಪೀಠ, ಪ್ರಕರಣದ ಕುರಿತು ಇನ್ನೂ ಹೆಚ್ಚಿನ ವಿಚಾರಣೆಗೆ ಹಾಗೂ ಸಿಬಿಐ ಪರ ವಕೀಲರ ವಾದ ಕೇಳುವ ಅಗತ್ಯವಿದೆ ಎಂದು ಅಭಿಪ್ರಾಯಪಟ್ಟು ನ. 30ಕ್ಕೆ ವಿಚಾರಣೆ ಮುಂದೂಡಿತು.