ಡೋರಿ- ದೋಪೆನಟ್ಟಿ ರಸ್ತೆ ಡಾಂಬರೀಕರಣಕ್ಕೆ ಚಾಲನೆ

ಅಳ್ನಾವರ: ಸಮೀಪದ ಡೋರಿ- ದೋಪೆನಟ್ಟಿ ನಡುವಿನ ರಸ್ತೆಯನ್ನು 1.50 ಕೋಟಿ ರೂ. ವೆಚ್ಚದಲ್ಲಿಡಾಂಬರೀಕರಣ ಮಾಡುವ ಕಾರ್ಯ ಸೇರಿದಂತೆ 6.50 ಕೋಟಿ ರೂ. ವೆಚ್ಚದ ವಿವಿಧ ಅಭಿವೃದ್ಧಿ ಕಾರ್ಯಕ್ಕೆ ಶಾಸಕ ಸಿ.ಎಂ. ನಿಂಬಣ್ಣವರ ಮಂಗಳವಾರ ಚಾಲನೆ ನೀಡಿದರು.

ನಂತರ ಮಾತನಾಡಿದ ಅವರು, ದೋಪೆನಟ್ಟಿ ರಸ್ತೆ ಡಾಂಬರೀಕರಣ ಇಲ್ಲಿನ ಜನರ ಬಹುದಿನದ ಬೇಡಿಕೆಯಾಗಿತ್ತು, ಜನರ ಬೇಡಿಕೆಗೆ ಸ್ಪಂದಿಸಿ ಗುಣಮಟ್ಟದ ರಸ್ತೆ ನಿರ್ಮಾಣ ಮಾಡಲಾಗುವದು ಎಂದರು. ಹೊನ್ನಾಪೂರ ಗ್ರಾಮದ ಸರಕಾರಿ ಶಾಲೆಯ ಮೂರು ಕೊಠಡಿ, ಡೋರಿ ಗ್ರಾಮದ ಸರಕಾರಿ ಶಾಲೆಯ ಎರಡು ಕೊಠಡಿ, ಕುಂಬಾರಕೊಪ್ಪ ಗ್ರಾಮದ ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆಯ ಐದು ಕೊಠಡಿ, ಕೋಗಿಲಗೇರಿ ಗ್ರಾಮದ ಸರಕಾರಿ ಶಾಲೆಯ ಒಂದು ಕೊಠಡಿ ನಿರ್ಮಾಣ ಕಾರ್ಯಕ್ಕೆ ಭೂಮಿಪೂಜೆ ನೆರವೇರಿಸಿದರು.

ಲಿಂಗರಾಜ ಮೂಲಿಮನಿ, ಪರಶುರಾಮ ಪಾಲಕರ, ಪ್ರತಾಪ ಕಲಾಲ, ಅಶೋಕ ಜೊಡಟ್ಟಿ, ನಾಗರಾಜ ಬುಡರಕಟ್ಟಿ, ಶಂಕರ ಬಸವರೆಡ್ಡಿ, ಗುರುರಾಜ ನರಗುಂದ, ಸಂದೀಪ ಪಾಟೀಲ, ಎಸ್‌.ಟಿ. ಬೆಟಗೇರಿ, ಜಿ.ಬಿ.ತೆಗ್ಗಿನಹಳ್ಳಿ, ಅನ್ನಪೂರ್ಣ ಹಿರೇಮಠ, ಸೋಜ್‌, ಟಿ.ಪಿ.ಪಾಟೀಲ ಇದ್ದರು.