ಸುಂದರ ಬಡಾವಣೆ ರೂಪಿಸುವ ಕನಸು ಶೀಘ್ರ ನನಸು: ಪ್ರಸಾದ ಅಬ್ಬಯ್ಯ

ಹುಬ್ಬಳ್ಳಿ : ಅಗತ್ಯ ಮೂಲ ಸೌಕರ್ಯಗಳನ್ನು ಕಲ್ಪಿಸಿ ಸುಂದರ ಬಡಾವಣೆಗಳನ್ನಾಗಿ ರೂಪಿಸಿ ಕ್ಷೇತ್ರದ ಎಲ್ಲಕಾಲೊನಿಗಳನ್ನು ಮಾದರಿಯನ್ನಾಗಿ ನಿರ್ಮಿಸುವ ಕನಸು ಶೀಘ್ರ ನನಸಾಗಲಿದೆ ಎಂದು ಶಾಸಕ ಪ್ರಸಾದ ಅಬ್ಬಯ್ಯ ಹೇಳಿದರು.

ವಿವಿಧ ಯೋಜನೆಗಳಡಿ ಮಂಜೂರಾದ ಅನುದಾನದಲ್ಲಿಮಂಟೂರು ರಸ್ತೆಯ ಗಣೇಶ ಕಾಲೊನಿ ಹಾಗೂ ಶಾ ಕಾಲೊನಿಯಲ್ಲಿಕೈಗೊಂಡಿರುವ 2 ಕೋಟಿ ವೆಚ್ಚದ ಕಾಂಕ್ರಿಟ್‌ ರಸ್ತೆ ಮತ್ತು 76 ಲಕ್ಷ ರೂ. ವೆಚ್ಚದಲ್ಲಿಬಾಸೆಲ್‌ ಮಿಶನ್‌ ಚರ್ಚ್ ಬಳಿಯ ಒಳಚರಂಡಿ ಕೊಳವೆ ಅಳವಡಿಕೆ ಸೇರಿದಂತೆ ಒಟ್ಟು 2.76 ಕೋಟಿ ವೆಚ್ಚದ ಕಾಮಗಾರಿಗೆ ಶನಿವಾರ ಭೂಮಿಪೂಜೆ ನೆರವೇರಿಸಿ ಮಾತನಾಡಿದರು.

ಕೆಲವೇ ವರ್ಷಗಳ ಹಿಂದೆ ಕಾಲಿಡಲೂ ಆಗದಂಥ ಪರಿಸ್ಥಿತಿಯಿದ್ದ ಮಂಟೂರು ರಸ್ತೆ ಭಾಗದ ಪ್ರದೇಶಗಳಲ್ಲಿಗ ವಾಹನಗಳು ಸಲೀಸಾಗಿ ಓಡಾಡುವಂತಾಗಿದೆ. ಎಲ್ಲೆಡೆ ಕಾಂಕ್ರಿಟ್‌ ರಸ್ತೆ, ಗಟಾರ, ಫುಟಪಾತ್‌, ಕುಡಿಯುವ ನೀರಿನ ವ್ಯವಸ್ಥೆ, ಯುಜಿಡಿ, ಬೀದಿದೀಪ, ಸ್ಮಶಾನ ಅಭಿವೃದ್ಧಿ, ಕಿರುಸೇತುವೆ ನಿರ್ಮಾಣ ಸೇರಿದಂತೆ ಹತ್ತಾರು ಕೋಟಿ ವೆಚ್ಚದಲ್ಲಿವಿವಿಧ ಅಭಿವೃದ್ಧಿ ಕಾರ್ಯಗಳನ್ನು ಕೈಗೊಳ್ಳಲಾಗಿದೆ ಎಂದರು.

ಇದೇ ವೇಳೆ ಮಿಶನ್‌ ಕಾಂಪೌಂಡ್‌ ನಿವಾಸಿಗಳ ಬಹುದಿನಗಳ ಬೇಡಿಕೆಯಾಗಿದ್ದ ಒಳಚರಂಡಿ ನಿರ್ಮಾಣ ಕಾಮಗಾರಿಯನ್ನು ತಿಂಗಳೊಳಗೆ ಪೂರ್ಣಗೊಳಿಸುವಂತೆ ಅಧಿಕಾರಿಗಳಿಗೆ ಸೂಚಿಸಿದರು. ಇದೇ ಸಂದರ್ಭದಲ್ಲಿಶಾ ಕಾಲನಿ, ಗುಂಜಾಳ ಪ್ಲಾಟ್‌ನ ನೀರಿನ ಸಮಸ್ಯೆ ನಿವಾರಣೆಗಾಗಿ ಬೋರವೆಲ್‌ ಕಾಮಗಾರಿಗೆ ಶಾಸಕರು ಚಾಲನೆ ನೀಡಿದರು.

ಡಾ. ಎ. ಗಿಡಿಯಾನ್‌, ಕ್ರಿಸ್ಟಾನಂದ ಕೆ., ಶರೀಫ್‌ ಅದವಾನಿ, ಯಲ್ಲಪ್ಪ ಮೆಹರವಾಡೆ, ರಾಜಾರಾವ್‌, ಸುಬ್ರಮಣೀ, ಅಬ್ದುಲ್‌ ಅಜೀಂ ಚಿತ್ತೇವಾಲೆ, ನಜೀರ್‌ ಚಿತ್ತೇವಾಲೆ, ವಿ. ರಮೇಶ, ಹನುಮಂತ ಅನಂತಪುರ, ಸುಬ್ಬಾರಾವ್‌, ಮೋಹನ, ಅನ್ನಾ ಆಂಟೋನಿ, ಪಿ. ಜೋಬ್‌, ಎಂ.ಪಿ. ಅಣ್ಣಿಗೇರಿ ಇದ್ದರು.