ವಿದ್ಯಾರ್ಥಿಗಳಿಗೆ ಶೈಕ್ಷಣಿಕ ಚಟುವಟಿಕೆ

ಧಾರವಾಡ: ನಗರದ ಡಾ.ಡಿ.ವೀರೇಂದ್ರ ಹೆಗ್ಗಡೆ ಇನ್‌ಸ್ಟಿಟ್ಯೂಟ್‌ ಆಫ್‌ ಮ್ಯಾನೇಜ್‌ಮೆಂಟ್‌ ಸ್ಟಡೀಸ್‌ ಆ್ಯಂಡ್‌ ರಿಸರ್ಚ್ ಸಂಸ್ಥೆ ಹಾಗೂ ಮಲಯಾಳ ಮನೋರಮಾ ಕಂಪನಿ ಸಹಭಾಗಿತ್ವದಲ್ಲಿಸಾಮಾಜಿಕ ಹೊಣೆಗಾರಿಕೆ ಅಂಗವಾಗಿ ನವಲೂರಿನ ಸರಕಾರಿ ಪ್ರೌಢಶಾಲೆ ವಿದ್ಯಾರ್ಥಿಗಳಿಗೆ ವಿಕಸನ್‌-2019ಪ್ರತಿಭಾನ್ವೇಷಣೆ ಶೈಕ್ಷಣಿಕ ಚಟುವಟಿಕೆ ನಡೆಸಿದರು.

ಪಠ್ಯೇತರ ಚಟುವಟಿಕೆಯಲ್ಲಿವಿದ್ಯಾರ್ಥಿಗಳಿಗೆ ಗುಂಪು ಚರ್ಚೆ, ಸಮೂಹ ನಿರ್ವಹಣೆ, ರಸಪ್ರಶ್ನೆ, ಕಲ್ಪನಾಶಕ್ತಿ, ಚಿತ್ರಕಲೆ, ಗ್ರಹಿಕೆಗಳ ಬಗ್ಗೆ ಪ್ರಾಯೋಗಿಕವಾಗಿ ಡಾ.ಡಿ.ವೀರೇಂದ್ರ ಹೆಗ್ಗಡೆ ಇನ್‌ಸ್ಟಿಟ್ಯೂಟ್‌ ಆಫ್‌ ಮ್ಯಾನೇಜ್‌ಮೆಂಟ್‌ ಸ್ಟಡೀಸ್‌ ಆ್ಯಂಡ್‌ ರಿಸರ್ಚ್ ಸಂಸ್ಥೆ ವಿದ್ಯಾಥಿಗಳು ತರಬೇತಿ ನೀಡಿದರು.

ವಿಜೇತರಾದ ವಿದ್ಯಾರ್ಥಿಗಳಿಗೆ ಪ್ರಶಸ್ತಿಪತ್ರ ವಿತರಿಸಲಾಯಿತು. ಸಂಸ್ಥೆಯ ನಿರ್ದೇಶಕ ಡಾ. ಶಿವಪ್ರಸಾದ, ಆನಂದ ಉಳಯ, ಶ್ರೀವತ್ಸ ಗುಡಿ, ಡಾ.ಮಂಗಳಾ ಯರಗಟ್ಟಿ ಹಾಗೂ ಮುಖ್ಯಶಿಕ್ಷಕಿ ಅನಿತಾ ಕಡಕೋಡಿ ಇದ್ದರು.