ದೇವರ ನಾಮಸ್ಮರಣೆಯಿಂದ ಕಷ್ಟ ದೂರ

ಕುಂದಗೋಳ : ಮನುಷ್ಯನು ಜೀವಿತಾವಧಿಯಲ್ಲಿ ದೇವರ ನಾಮಸ್ಮರಣೆ ಮಾಡದಿದ್ದರೆ ಮಾನವನಾಗಲು ಸಾಧ್ಯವಿಲ್ಲ ಎಂದು ಅಣ್ಣಿಗೇರಿ ದಾಸೋಹ ಮಠದ ಶಿವಕುಮಾರ ಸ್ವಾಮೀಜಿ ಹೇಳಿದರು. ತಾಲೂಕಿನ ಬೆನಕಹಳ್ಳಿ ಗ್ರಾಮದ ಕಲ್ಮೇಶ್ವರ ದೇವಸ್ಥಾನ ಆವರಣದಲ್ಲಿ ನಡೆದ ಆಧ್ಯಾತ್ಮಿಕ ಪ್ರವಚನದಲ್ಲಿ ದೇವರ ನಾಮಸ್ಮರಣೆ ವಿಷಯ ಕುರಿತು ಮಾತನಾಡಿದರು.

ನಿತ್ಯದ ಕಾಯಕದಲ್ಲೇ ದೇವರ ನಾಮಸ್ಮರಣೆ ಮಾಡಿದರೆ ಅದೇ ಕಾಯಕದಲ್ಲಿ ನಾವು ಸಾಕ್ಷಾತ್‌ ದೇವನನ್ನು ಕಾಣಬಹುದಾಗಿದೆ. ಎಷ್ಟೇ ಕಷ್ಟ ಬಂದರೂ ನಾಮಸ್ಮರಣೆಯಲ್ಲಿ ಸಾಕಷ್ಟು ಶಕ್ತಿ ಇದ್ದು, ಕಷ್ಟ-ನಷ್ಟಗಳನ್ನು ದೂರಗೊಳಿಸುತ್ತದೆ. ಕೇವಲ ಆಡಂಬರದ ಪೂಜೆಯಾಗದೆ ಶ್ರದ್ಧೆ, ಭಕ್ತಿ, ನಿಷ್ಠೆಗಳಿಂದ ಪೂಜೆ-ಸ್ಮರಣೆಗಳು ಒಟ್ಟಿಗೆ ನಡೆದಾಗ ನಮ್ಮ ಬದುಕು ಸಾರ್ಥಕವಾಗುತ್ತದೆ ಎಂದರು. ಕರಿಕಟ್ಟಿ ಗುರುನಾಥ ಶಾಸ್ತ್ರಿ ಮಾತನಾಡಿದರು.