ನೌಕರಿ ಕೊಡಿಸುವುದಾಗಿ ವಂಚನೆ: ದೂರು

ಧಾರವಾಡ : ರಾಜ್ಯದ ಮುಖ್ಯಮಂತ್ರಿ ಹಾಗೂ ಸಚಿವರು ತಮಗೆ ಪರಿಚಯ ಇದ್ದು, ಅವರ ಮೂಲಕ ಕರ್ನಾಟಕ ವಿಶ್ವ ವಿದ್ಯಾಲಯದಲ್ಲಿ ಡಿ ಗ್ರೂಪ್‌ ನೌಕರಿ ಕೊಡಿಸುವುದಾಗಿ ನಂಬಿಸಿ ವ್ಯಕ್ತಿಯೊಬ್ಬರಿಂದ ಲಕ್ಷಾಂತರ ರೂ. ಪಡೆದು ವಂಚಿಸಿದ ಪ್ರಕರಣ ತಡವಾಗಿ ಬೆಳಕಿಗೆ ಬಂದಿದೆ.

ಧಾರವಾಡ ಬಾರಾಕೊಟ್ರಿಯ ನಿವಾಸಿ ಭೀಮಪ್ಪ ಹನುಮಂತಪ್ಪ ಪೂಜಾರ ಎಂಬುವರು ಕಲಬುರಗಿ ಜಿಲ್ಲೆಯ ಯಳಸಂಗಿ ಗ್ರಾಮದ ಭೀಮಾಶಂಕರ ದಯಾನಂದ ಗೊಜ್ಜಿ ಎಂಬುವವರಿಗೆ ನೌಕರಿ ಕೊಡಿಸುವುದಾಗಿ ತಿಳಿಸಿದ್ದರು. ಪೂಜಾರ 2017ರಿಂದ ಹಂತ ಹಂತವಾಗಿ 4.20 ಲಕ್ಷ ರೂ.ಪಡೆದರೂ ನೌಕರಿ ಕೊಡಿಸದೆ ಹಣವನ್ನೂ ವಾಪಸ್‌ ನೀಡದೆ ವಂಚಿಸಿದ್ದಾರೆ ಎಂದು ಭೀಮಾಶಂಕರ ದೂರಿದ್ದಾರೆ. ಈ ಕುರಿತು ವಿದ್ಯಾಗಿರಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.