ಉಚಿತ ಮಧುಮೇಹ ತಪಾಸಣಾ ಶಿಬಿರ ಇಂದು

ಹುಬ್ಬಳ್ಳಿ : ನಗರದ ಲಯನ್ಸ್‌ ಕ್ಲಬ್‌ ಮತ್ತು ಆಶಾ ಹಾರ್ಟ್‌ ಹಾಗೂ ಡಯಾಬಿಟಿಸ್‌ ಫೌಂಡೇಶನ್‌ ಸಂಯುಕ್ತಾಶ್ರಯದಲ್ಲಿನ.14ರಂದು ಬೆಳಗ್ಗೆ 10.30ಕ್ಕೆ ವಿಶ್ವ ಮಧುಮೇಹ ದಿನದ ನಿಮಿತ್ತ ಉಚಿತ ಮಧುಮೇಹ ತಪಾಸಣಾ ಶಿಬಿರ ಇಲ್ಲಿನ ಭೈರಿದೇವರಕೊಪ್ಪದ ಸರಕಾರಿ ಶಾಲೆ ಆವರಣದಲ್ಲಿಆಯೋಜಿಸಲಾಗಿದೆ ಎಂದು ಡಾ. ಜಿ.ಬಿ. ಸತ್ತೂರ ಹೇಳಿದರು.

ಸುದ್ದಿಗೋಷ್ಠಿಯಲ್ಲಿಬುಧವಾರ ಮಾತನಾಡಿದ ಅವರು, ಅಂದು ಸಂಜೆ ಭೈರಿದೇವರಕೊಪ್ಪದ ಹನುಮಾನ ದೇವಸ್ಥಾನದಲ್ಲಿಮಧುಮೇಹ ರೋಗದ ಗುಣಲಕ್ಷಣ, ರೋಗ ಪತ್ತೆ ಹಾಗೂ ನಿವಾರಣೆ ಕುರಿತು ಉಪನ್ಯಾಸ ನಡೆಯಲಿದೆ ಎಂದರು.

ನ.17ರಂದು ಭೈರಿದೇವರಕೊಪ್ಪದಲ್ಲಿಹನುಮಂತ ದೇವಸ್ಥಾನದ ಆವರಣದಲ್ಲಿಬೆಳಗ್ಗೆ 10 ರಿಂದ ಮಧ್ಯಾಹ್ನ 1ರ ವರೆಗೆ ಆಶಾ ಹಾರ್ಟ್‌ ಮತ್ತು ಡಯಾಬಿಟಿಸ್‌ ಫೌಂಡೇಶನ್‌ನ ತಜ್ಞರಿಂದ ಮಧುಮೇಹ ಕುರಿತು ಉಚಿತ ರಕ್ತ ಗ್ಲೂಕೋಸ್‌ ಪರೀಕ್ಷೆ ನಡೆಯಲಿದೆ. ಶಿಬಿರದಲ್ಲಿಭೈರಿದೇವರಕೊಪ್ಪ, ಸುತಗಟ್ಟಿ, ಉಣಕಲ್‌, ಅಮರಗೋಳ ಹಾಗೂ ಸುತ್ತಮುತ್ತಲಿನ ನಾಗರಿಕರು ಇದರ ಸದುಪಯೋಗ ಪಡೆದುಕೊಳ್ಳಬೇಕು ಎಂದರು. ಸುದ್ದಿಗೋಷ್ಠಿಯಲ್ಲಿಕ್ಲಬ್‌ನ ಕಾರ್ಯದರ್ಶಿ ಡಾ. ಸಂಜಯ ಗಣೇಶಕರ, ಶ್ರಮಿಕರಾಜ ರಾಜಮಾನೆ, ಅಶೋಕ ಗೋಯಲ್‌, ರಾಜಣ್ಣ ಕೊರವಿ ಇದ್ದರು.