ಜಗದೀಶ ಶೆಟ್ಟರ್‌ರಿಂದ ಬೈಕ್‌ ರಾರ‍ಯಲಿಗೆ ಚಾಲನೆ

ಹುಬ್ಬಳ್ಳಿ : ಪಕ್ಷದ ಕಾರ್ಯಕ್ರಮ ಹಾಗೂ ಸರಕಾರಿ ಕಾರ್ಯಕ್ರಮಕ್ಕೆ ಪ್ರತ್ಯೇಕ ಜಾಗೆ ಗುರುತಿಸಲಾಗಿದೆ. ಪ್ರಧಾನಿ ಮೋದಿ ಅವರ ಭದ್ರತೆ ಹಾಗೂ ಸಮಯ ಅಭಾವದಿಂದ ಒಂದೇ ಕಡೆ ಎರಡು ಪ್ರತ್ಯೇಕ ಜಾಗಗಳಲ್ಲಿ ಸರಕಾರಿ ಮತ್ತು ಪಕ್ಷದ ಕಾರ್ಯಕ್ರಮ ಮಾಡಲಾಗುತ್ತಿದೆ. ಆದರೆ, ಸರಕಾರಿ ಕಾರ್ಯಕ್ರಮದ ಹೆಸರಿನಲ್ಲಿ ಪಕ್ಷದ ಕಾರ್ಯಕ್ರಮ ಮಾಡಲಾಗುತ್ತಿಲ್ಲ. ಅನವಶ್ಯಕವಾಗಿ ಕಾಂಗ್ರೆಸ್‌ ಮುಖಂಡರು ಜನರ ದಾರಿ ತಪ್ಪಿಸುವ ಕೆಲಸ ಮಾಡುತ್ತಿದ್ದಾರೆ ಎಂದು ಜಗದೀಶ ಶೆಟ್ಟರ್‌ ಸ್ಪಷ್ಟಪಡಿಸಿದರು.

ಫೆ.10ರಂದು ಹುಬ್ಬಳ್ಳಿಯಲ್ಲಿ ನಡೆಯಲಿರುವ ಪ್ರಧಾನಿ ನರೇಂದ್ರ ಮೋದಿ ಕಾರ್ಯಕ್ರಮದ ಪ್ರಚಾರ ನಿಮಿತ್ತ ಸೆಂಟ್ರಲ್‌ ವಿಧಾನಸಭಾ ಕ್ಷೇತ್ರದ ಬಿಜೆಪಿ ಯುವ ಮೋರ್ಚಾ ವತಿಯಿಂದ ಶನಿವಾರ ಕೇಶ್ವಾಪುರ ಸರ್ಕಲ್‌ದಿಂದ ಹಮ್ಮಿಕೊಂಡಿದ್ದ ಬೈಕ್‌ ರಾರ‍ಯಲಿಗೆ ಚಾಲನೆ ನೀಡಿ ಸುದ್ದಿಗಾರರೊಂದಿಗೆ ಮಾತನಾಡಿದರು.

ಉಪಮೇಯರ್‌ ಮೇನಕಾ ಹುರಳಿ, ಮಹೇಂದ್ರ ಕೌತಾಳ, ರವಿ ನಾಯ್ಕ, ಗೋಪಾಲ ಏಣೆಚವಂಡಿ, ಅವಿನಾಶ ಹರಿವನ, ಮಹೇಶ ಕೋಳಿವಾಡ, ದೀಪಕ ಜಿತೂರಿ, ನಂದೀಶ ವಡ್ಡಟ್ಟಿ, ಕಿರಣ ಉಪ್ಪಾರ, ಸುಭಾಸ ಕಾನಲ್ಕಕೋಟಿ, ಮದನ ಪಂಚಾಪುರ, ಸಿದ್ದು ಮಾದರಿ, ಸಿದ್ದು ಹರಕಾರಿ ಇತರರು ಇದ್ದರು.