ರೋಗಿಗಳಿಗೆ ಮತದಾನ ವ್ಯವಸ್ಥೆ ಕಲ್ಪಿಸಿ

ಹುಬ್ಬಳ್ಳಿ : ಕಿಮ್ಸ್‌, ಎಸ್‌ಡಿಎಂ ಸೇರಿದಂತೆ ದೊಡ್ಡ ಆಸ್ಪತ್ರೆಗಳಲ್ಲಿ ಚಿಕಿತ್ಸೆ ಪಡೆಯುತ್ತಿರುವ ಒಳರೋಗಿಗಳಿಗೆ ಚುನಾವಣೆ ದಿನದಂದು ಮತದಾನಕ್ಕೆ ಅವಕಾಶ ಕಲ್ಪಿಸಲು ಮತಗಟ್ಟೆ ಸ್ಥಾಪಿಸಬೇಕು ಇಲ್ಲವೇ ವಾಹನ ವ್ಯವಸ್ಥೆ ಕಲ್ಪಿಸಬೇಕೆಂದು ಹುಬ್ಬಳ್ಳಿಯ ಸದ್ಭಾವವನಾ ಸಮಿತಿ ಪದಾಧಿಕಾರಿಗಳು ಜಿಲ್ಲಾಧಿಕಾರಿಗಳು ಮತ್ತು ಸ್ವೀಪ್‌ ಅಧ್ಯಕ್ಷರಿಗೆ ಮನವಿ ಮಾಡಿದ್ದಾರೆ.

ಸಮಿತಿ ಉಪಾಧ್ಯಕ್ಷ ಡಾ.ಆರ್‌.ಎನ್‌. ಜೋಶಿ, ಕಾರ್ಯದರ್ಶಿ ಸಂಜಯ ಶೆಟ್ಟಿನೇತೃತ್ವದ ಪದಾಧಿಕಾರಿಗಳು, ಅಧಿಕಾರಿಗಳನ್ನು ಭೇಟಿ ಮಾಡಿ, ಮತದಾನದ ದಿನದಂದು ಒಳರೋಗಿಗಳು ಮತಚಲಾಯಿಸಲು ವಂಚಿತರಾಗುತ್ತಾರೆ. ಮತದಾನ ಕಾಲಕ್ಕೆ ಬಿಸಿಲಿನ ತಾಪ ಇನ್ನೂ ಹೆಚ್ಚಾಗಿರುವ ಸಾಧ್ಯತೆ ಇದೆ. ಹಾಗಾಗಿ ದೊಡ್ಡ ಆಸ್ಪತ್ರೆಗಳಲ್ಲಿ ಮತಗಟ್ಟೆ ಸ್ಥಾಪಿಸಬೇಕೆಂದು ಮನವಿ ಮಾಡಿದರು.

ನಿಯೋಗದಲ್ಲಿ ಜಿ.ಆರ್‌. ಅಂದಾನಿಮಠ, ಕೆ.ಜಿ. ಏಕಬೋಟೆ, ಡಿ.ಎಲ್‌. ಲಾಡಖಾನ್‌, ಎಸ್‌.ಎಸ್‌. ಮೂಶಣ್ಣವರ, ಜಗದೀಶ ಕೂಡಲಮಠ, ವೆಂಕಟೇಶ ಅಥಣಿ ಸೇರಿದಂತೆ ಹಲವು ಇದ್ದರು.