12 ಲಕ್ಷ ರೂ.ಮೌಲ್ಯದ ಚಿನ್ನದ ಗಟ್ಟಿ ಕಳವು

ಹುಬ್ಬಳ್ಳಿ : ಚಿನ್ನಾಭರಣ ತಯಾರಿಸುವ ಮಳಿಗೆಗೆ ಕನ್ನ ಹಾಕಿದ ಕಳ್ಳರು 12 ಲಕ್ಷ ಮೌಲ್ಯದ ಗಟ್ಟಿ ಚಿನ್ನವನ್ನು ದೋಚಿದ ಘಟನೆ ಇಲ್ಲಿನ ತೋರವಿಗಲ್ಲಿಯಲ್ಲಿ ಇತ್ತೀಚೆಗೆ ನಡೆದಿದೆ.

ಸತೀಶ ಕುರಡಿಕರ ಎಂಬುವರಿಗೆ ಸೇರಿದ್ದ ದೇವಿ ಮ್ಯಾನುಫ್ಯಾಕ್ಚರಿಂಗ್‌ ವರ್ಕ್ಸ್‌ನಲ್ಲಿ ಈ ಕಳ್ಳತನವಾಗಿದೆ. ಜೂ. 23 ಮಳಿಗೆಯ ಬೀಗ ಮುರಿದು ಒಳನುಗ್ಗಿದ ಕಳ್ಳರು ದೇವಸ್ಥಾನದ ಕೆಲಸದ ವಿಭಾಗದಲ್ಲಿದ್ದ 12 ಲಕ್ಷ ಮೌಲ್ಯದ ಗಟ್ಟಿ ಚಿನ್ನವನ್ನು ಕಳ್ಳತನ ಮಾಡಿದ್ದಾರೆ. ಈ ಕುರಿತು ಸತೀಶ ಕುಡಿಕರ ನೀಡಿದ ದೂರಿನ ಮೇರೆಗೆ ಘಂಟಿಕೇರಿ ಠಾಣೆಯಲ್ಲಿ ಪ್ರಕರಣದ ದಾಖಲಾಗಿದೆ.