ರಂಗಿನ ಹಬ್ಬಕ್ಕೆ ವಿದಾಯ

ನವಲಗುಂದ: ಹೋಳಿ ಹಬ್ಬಕ್ಕೆ ಪ್ರಸಿದ್ದಿ ಪಡೆದ ಪಟ್ಟಣದಲ್ಲಿ ಭಾನುವಾರ ಬೆಳಗಿನ ಜಾವ ರಾಮಲಿಂಗ ಕಾಮದೇವರ ದಹನ ಮಾಡುವ ಮೂಲಕ ರಂಗಿನ ಹಬ್ಬಕ್ಕೆ ತೆರೆ ಎಳೆಯಲಾಯಿತು.

ಮಾ.18ರಂದು ಪ್ರತಿಷ್ಠಾಪನೆಗೊಂಡಿದ್ದ ರಾಮಲಿಂಗ ಕಾಮದೇರ ದರ್ಶನಕ್ಕೆ ರಾಜ್ಯ, ಹೊರ ರಾಜ್ಯಗಳಿಂದ ಲಕ್ಷಾಂತರ ಜನ ಭಕ್ತರು ಆಗಮಿಸಿದ್ದರು. ಹುಣ್ಣಿಮೆ ದಿನದಂದು ದೇವರ ದರ್ಶನಕ್ಕೆ ಸರತಿ ಸಾಲಿನಲ್ಲಿ ನಿಂತಿದ್ದ ಭಕ್ತರಿಗೆ ಪಟ್ಟಣದ ನಾನಾ ಯವಕ ಸಂಘದವರು ತಂಪು ಪಾನೀಯ, ಪಲಾವ್‌, ಮೊಸರನ್ನ, ಮೊಸರವಲಕ್ಕಿ, ಪ್ರಸಾದ ವ್ಯವಸ್ಥೆ ಮಾಡಿದ್ದರು.

ಮಾ.24 ಸಂಜೆ ಸ್ಥಳೀಯ ವಿನಾಯಕ ಪೇಟೆಗೆ ರಾಮಲಿಂಗ ಕಾಮದೇರ ಮೂರ್ತಿ ಬರುತ್ತಿದ್ದಂತೆ ಆ ಓಣಿಯ ಜನತೆ ರಸ್ತೆಯುದ್ದಕ್ಕೂ ರಂಗೋಲಿ ಹಾಕಿ ಸಿಂಗರಿಸಿದ್ದರು.