ಹೋಮ್‌ ಐಸೋಲೇಶನ್‌ ಸಂಖ್ಯೆ 840ಕ್ಕೆ ಏರಿಕೆ

ಹುಬ್ಬಳ್ಳಿ: ಧಾರವಾಡ ಜಿಲ್ಲೆಯಲ್ಲಿಕಳೆದ ಎರಡು ದಿನಗಳಿಂದ ಹೊಸದಾಗಿ ಯಾವುದೇ ಕೊರೊನಾ ಪಾಸಿಟಿವ್‌ ಪ್ರಕರಣ ಪತ್ತೆಯಾಗಿಲ್ಲ. ಆದರೆ, ಕಳೆದ ಎರಡು ದಿನಗಳಲ್ಲಿಹೋಮ್‌ ಐಸೋಲೇಶನ್‌ನಲ್ಲಿಇರುವವರ ಸಂಖ್ಯೆ ಗಣನೀಯವಾಗಿ ಹೆಚ್ಚಳವಾಗಿದೆ.

ಪಾಸಿಟಿವ್‌ ಪ್ರಕರಣ ಪತ್ತೆಯಾಗದಿರುವುದು ಸಂತಸದ ಸಂಗತಿಯಾಗಿದ್ದರೂ ಹೋಮ್‌ ಐಸೋಲೇಶನ್‌ನಲ್ಲಿಒಂದೇ ದಿನಕ್ಕೆ 166 ಸಂಖ್ಯೆ ಹೆಚ್ಚಳವಾಗಿರುವುದು ಆತಂಕ ಮೂಡಿಸುತ್ತಿದೆ.

ಭಾನುವಾರದಂದು 674 ಜನ ಹೋಮ್‌ ಐಸೋಲೇಶನ್‌ನಲ್ಲಿಇದ್ದರು. ಸೋಮವಾರ ಈ ಸಂಖ್ಯೆ 840ಕ್ಕೆ ಏರಿಕೆಯಾಗಿದೆ. ಅಷ್ಟೇ ಅಲ್ಲದೇ 256 ಜನರ ಮಾದರಿ ಪರೀಕ್ಷೆಯ ಫಲಿತಾಂಶಕ್ಕಾಗಿ ಕಾಯಲಾಗುತ್ತಿದೆ. ಈವರೆಗೆ 803 ಜನರ ಮಾದರಿ ಪರೀಕ್ಷೆಯಲ್ಲಿನೆಗಟಿವ್‌ ಬಂದಿದ್ದು, 7 ಜನರಲ್ಲಿಪಾಸಿಟವ್‌ ಪತ್ತೆಯಾಗಿದೆ. ಅವರಲ್ಲಿಒಬ್ಬ ಗುಣಮುಖರಾಗಿ ಮನೆಗೆ ತೆರಳಿದ್ದಾರೆ. 6 ಜನರು ಹುಬ್ಬಳ್ಳಿ ಜನರು ಕಿಮ್ಸ್‌ನಲ್ಲಿಚಿಕಿತ್ಸೆ ಪಡೆಯುತ್ತಿದ್ದಾರೆ.