ಹುಬ್ಬಳ್ಳಿಗೂ ಕಾಲಿಟ್ಟ ಹನಿಟ್ರ್ಯಾಪ್‌: ಮೂವರ ಬಂಧನ

ಹುಬ್ಬಳ್ಳಿ: ವಾಣಿಜ್ಯ ನಗರ ಹುಬ್ಬಳ್ಳಿಗೂ ಹನಿಟ್ರ್ಯಾಪ್ ದಂಧೆ ಕಾಲಿಟ್ಟಿದ್ದು, ಪ್ರಕರಣ ಸಂಬಂಧ ಹಳೇ ಹುಬ್ಬಳ್ಳಿ ಠಾಣೆ ಪೊಲೀಸರು ನಾಲ್ವರ ಆರೋಪಿಗಳನ್ನು ಬಂಧಿಸಿದದ್ದಾರೆ.


ಎನ್‌ಆರ್‌ಐ ಆಗಿರುವ ಬಲಬೀರ್ ದುರ್ಗಾಜಿರಾವ್ ಎಂಬುವರೊಂದಿಗೆ ಕರೆ ಮೂಲಕ ಪರಿಚಯವಾದ ಯುವತಿ ದೇಶಪಾಂಡೆ ನಗರದ ಬಳಿ ಬರಲು ಹೇಳಿದ್ದಳು. ಅಲ್ಲಿಗೆ ಬಂದಿದ್ದ ಬಲಬೀರ್‌ನ್ನು ಅಪಹರಿಸಿ ಬಳಿಕ ಅಂಚಟಗೇರಿ ಬಳಿ ಕರೆದೊಯ್ದು ಚಾಕುವಿನಿಂದ ಇರಿದು, ಹಲ್ಲೆ ಮಾಡಿದ್ದಾರೆ. ಇವರ ಮೊಬೈಲ್‌, ಕ್ರೆಡಿಟ್‌ ಕಾರ್ಡ್‌ ಮಾಹಿತಿಯೆಲ್ಲವನ್ನೂ ದೋಚಿ ಪರಾರಿಯಾಗಿದ್ದಾರೆ.

ಘಟನೆಯಲ್ಲಿ ಗಾಯಗೊಂಡು ಆಸ್ಪತ್ರೆಗೆ ದಾಖಲಾದ ಬಲಬೀರ್ ಹಳೇ ಹುಬ್ಬಳಿ ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ. ಪ್ರಕರಣ ದಾಖಲಿಸಿಕೊಂಡ ಪೊಲೀಸರು ರಮೇಶ , ವಿನಾಯಕ, ಗಣೇಶ ಹಾಗೂ ಓರ್ವ ಯುವತಿಯನ್ನು ಬಂಧಿಸಿದ್ದಾರೆ. ಬಂಧಿತರಿಂದ ಚಾಕು, ಎರಡು ಬೈಕ್, ಆರು ಮೊಬೈಲ್ ಹಾಗೂ ನಗದು ಜಪ್ತಿ ಮಾಡಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.