29 ರಂದು ಪ್ರೇಮಬಿಂದು ರಕ್ತ ಭಂಡಾರ ಉದ್ಘಾಟನೆ

ಹುಬ್ಬಳ್ಳಿ : ಶ್ರೀ ಸಾಯಿ ಸೇವಾನಂದ ಆಧ್ಯಾತ್ಮಿಕ ಟ್ರಸ್ಟ್‌ ನೂತನವಾಗಿ ಆರಂಭಿಸಿದ ಪ್ರೇಮಬಿಂದು ರಕ್ತ ಭಂಡಾರದ ಉದ್ಘಾಟನಾ ಸಮಾರಂಭ ಸೆ. 29 ರಂದು ಬೆಳಗ್ಗೆ 11 ಕ್ಕೆ ಇಲ್ಲಿನ ವಿದ್ಯಾನಗರದ ಬಿವಿಬಿ ಕಾಲೇಜು ಎದುರಿನ ಕಲಬುರಗಿ ಕಾಟ್ವೆ ಫಾರ್ಚುನ್‌ನ ಮೂರನೇ ಮಹಡಿಯಲ್ಲಿಹಮ್ಮಿಕೊಳ್ಳಲಾಗಿದೆ.

ಕೈಗಾರಿಕೆ ಸಚಿವ ಜಗದೀಶ ಶೆಟ್ಟರ್‌ ಬ್ಲಡ್‌ ಬ್ಯಾಂಕ್‌ ಉದ್ಘಾಟಿಸಲಿದ್ದಾರೆ. ಮೂರುಸಾವಿರ ಮಠದ ಗುರುಸಿದ್ದ ರಾಜಯೋಗಿಂದ್ರ ಶ್ರೀಗಳು ಸಾನ್ನಿಧ್ಯ ವಹಿಸಲಿದ್ದಾರೆ. ಶಾಸಕ ಅರವಿಂದ ಬೆಲ್ಲದ, ಮುಖ್ಯಮಂತ್ರಿಗಳ ಕಾರ್ಯದರ್ಶಿ ವಿಶ್ವನಾಥ ಹಿರೇಮಠ, ಡಾ.ಎಸ್‌.ಎಂ.ಕಂಟಿಕಾರ, ಕಿಮ್ಸ್‌ ನಿರ್ದೇಶಕ ಡಾ.ರಾಮಲಿಂಗಪ್ಪ ಅಂಟರ್‌ತಾನಿ, ಡಿಎಚ್‌ಒ ಡಾ.ಯಶವಂತ, ಐಎಂಎ ಅಧ್ಯಕ್ಷ ಡಾ.ಅಭಯ ಮಟ್ಕರ್‌, ಕಾರ್ಯದರ್ಶಿ ಸಚಿನ್‌ ರೇವಣಕರ್‌, ಪಾಲಿಕೆ ಮಾಜಿ ಸದಸ್ಯರಾದ ಶಿವಣ್ಣ ಹಿರೇಕೆರೂರ, ರಾಜಣ್ಣ ಕೊರವಿ ಮತ್ತಿತರರು ಅತಿಥಿಗಳಾಗಿ ಆಗಮಿಸಲಿದ್ದಾರೆ ಎಂದು ಮ್ಯಾನೇಜಿಂಗ್‌ ಟ್ರಸ್ಟಿ ವಿ.ಎಂ.ಹಿರೇಮಠ ಪ್ರಕಟಣೆಯಲ್ಲಿತಿಳಿಸಿದ್ದಾರೆ.