ಒಂದೇ ವರ್ಷದಲ್ಲಿ ಶೇ 23 ರಷ್ಟು ವೃದ್ಧಿ

ಹುಬ್ಬಳ್ಳಿ :ಧಾರವಾಡ ಹಾಲು ಒಕ್ಕೂಟವು ಉತ್ಪಾದಕ ಸಂಘಗಳ ಮೂಲಕ ಹೈನುಗಾರಿಕೆಗೆ ನೀಡುತ್ತಿರುವ ಪ್ರೋತ್ಸಾಹದಿಂದ ನಿರೀಕ್ಷೆಗೂ ಮೀರಿ ಹಾಲು ಉತ್ಪಾದನೆ ಆಗುತ್ತಿದೆ. ಪ್ರತಿದಿನ 2.40 ಲಕ್ಷ ಲೀಟರ್‌ ಹಾಲು ಉತ್ಪಾದನೆಯಾಗುತ್ತಿದ್ದು, ಅದು ವರ್ಷಕ್ಕೆ ಶೇ.23ರಷ್ಟು ವೃದ್ಧಿಯಾಗಿದೆ.

ಧಾರವಾಡ ಹಾಲು ಒಕ್ಕೂಟವು ಹಾವೇರಿ, ಧಾರವಾಡ, ಉತ್ತರ ಕನ್ನಡ ಹಾಗೂ ಗದಗ ಜಿಲ್ಲೆಗಳ ಕೃಷಿಕರಿಗೆ ಹಾಲು ಉತ್ಪಾದಕ ಸಂಘಗಳ ಮೂಲಕ ರಾಜ್ಯ ಹಾಗೂ ಕೇಂದ್ರ ಸರಕಾರಗಳು ಹೈನುಗಾರಿಕೆಗೆ ನೀಡುತ್ತಿರುವ ನೆರವು, ಪ್ರೋತ್ಸಾಹದ ಕುರಿತು ಮನದಟ್ಟು ಮಾಡಿದ ಪರಿಣಾಮ ರೈತರು ಹಾಗೂ ಮಹಿಳಾ ಸಂಘಗಳು ಹೈನುಗಾರಿಕೆಗೆ ಮುಂದಾಗಿದ್ದಾರೆ. ಅದರಿಂದಾಗಿ ಧಾರವಾಡ ಹಾಲು ಉತ್ಪಾದನೆ ಪ್ರತಿ ವರ್ಷ ಶೇ.23ರಷ್ಟು ಏರಿಕೆ ಕಾಣುತ್ತಿದೆ.

ಪ್ರತಿದಿನ 2.40ಲಕ್ಷ ಹಾಲು ಉತ್ಪಾದನೆ

ನಾಲ್ಕು ಜಿಲ್ಲೆಗಳ ವ್ಯಾಪ್ತಿಯಲ್ಲಿ 1 ಸಾವಿರಕ್ಕೂ ಅಧಿಕ ಹಾಲು ಉತ್ಪಾದಕರ ಸಂಘಗÜಳು ಸಕ್ರಿಯವಾಗಿ ಕಾರ್ಯನಿರ್ವಹಿಸುತ್ತಿವೆ. ಈ ಸಂಘಗಳು 5 ಸಾವಿರಕ್ಕೂ ಅಧಿಕ ಹೈನುಗಾರಿಕೆ ಸದಸ್ಯರನ್ನು ಹೊಂದಿವೆ. ಕಲಬೆರಕೆ ರಹಿತ ಹಾಗೂ ಉತ್ತಮ ಗುಣಮಟ್ಟದ ಹಾಲು ಸಂಗ್ರಹಕ್ಕೆ ಎಲ್ಲ ಸಂಘಗಳು ಸಹಕರಿಸುತ್ತಿರುವುದರಿಂದ ಧಾರವಾಡ ಹಾಲು ಒಕ್ಕೂಟಕ್ಕೆ 2 ಲಕ್ಷ 40 ಸಾವಿರ ಲೀಟರ್‌ ಹಾಲು ಸಂಗ್ರಹವಾಗುತ್ತಿದೆ. ಸರಕಾರ ಪ್ರತಿ ಲೀಟರ್‌ ಹಾಲಿಗೆ ಐದು ರೂ. ಪ್ರೋತ್ಸಾಹಧನವನ್ನು ನೇರವಾಗಿ ರೈತರ ಖಾತೆಗೆ ಜಮೆ ಮಾಡುತ್ತಿರುವುದರಿಂದ ಈಗ ಹೈನುಗಾರಿಗೆ ಕ್ಷೇತ್ರಕ್ಕೆ ಮತ್ತಷ್ಟು ಬಲ ಬಂದಂತಾಗಿದ್ದು, ಜತೆಗೆ ಹಾಲು ಉತ್ಪಾದನೆಯೂ ಹೆಚ್ಚಾಗಿದೆ. ಇದು ಧಾರವಾಡ ಹಾಲು ಒಕ್ಕೂಟದ ಇತಿಹಾಸದಲ್ಲಿಯೇ ಅಧಿಕ ಹಾಲು ಶೇಖರಣೆಗೆ ಕಾರಣವಾಗಿದೆ.

ಖಾಸಗಿ ಉತ್ಪಾದಕರಿಗೂ ಪೈಪೋಟಿ

ಧಾರವಾಡ ಹಾಲು ಒಕ್ಕೂಟ ಖಾಸಗಿ ಹಾಲು ಉತ್ಪಾದಕರಿಗೆ ಪೈಪೋಟಿ ನೀಡುವಂತೆ ಹೈನುಗಾರಿಕೆಯಲ್ಲಿ ಉತ್ತಮ ಸಾಧನೆ ಮಾಡುತ್ತಿದೆ. ನಾಲ್ಕು ಜಿಲ್ಲೆಗಳ ಜಾನುವಾರು ರಹಿತ ಕೃಷಿಕರಿಗೆ ಸಲಹೆ ಹಾಗೂ ಮಾರ್ಗದರ್ಶನ ನೀಡುವ ಮೂಲಕ ಅವರನ್ನು ಹೈನುಗಾರಿಕೆಗೆ ಪ್ರೋತ್ಸಾಹಿಸಲಾಗುತ್ತಿದೆ. ಸ್ಥಳೀಯ ಮಟ್ಟದ ಹಾಲು ಉತ್ಪಾದಕ ಕೇಂದ್ರಗಳಲ್ಲಿ ಕಾರ್ಯನಿರ್ವಹಿಸುವ ಮುಖ್ಯ ಕಾರ್ಯನಿರ್ವಾಹಕ, ಹಾಲು ಪರೀಕ್ಷ ಕ, ಸಹಾಯಕರುಗಳು ಸ್ಥಳೀಯ ಮಟ್ಟದಲ್ಲಿ ಹೈನುಗಾರಿಕೆ ಪರಿಣಾಮಕಾರಿಗೊಳಿಸಲು ಶ್ರಮಿಸುತ್ತಿದ್ದಾರೆ.

ಫ್ಯಾಟ್‌ ಆಧಾರಿತ ದರ..

ಧಾರವಾಡ ಹಾಲು ಒಕ್ಕೂಟ ವ್ಯಾಪ್ತಿಯಲ್ಲಿನ ನಾಲ್ಕು ಜಿಲ್ಲೆಗಳ 1 ಸಾವಿರ ಹಾಲು ಉತ್ಪಾದಕ ಸಂಘಗಗಳಲ್ಲಿ ಫ್ಯಾಟ್‌ ಆಧಾರಿತ ದರ ನಿಗದಿ ಪಡಿಸಲಾಗಿದೆ. ಆಕಳು ಹಾಗೂ ಎಮ್ಮೆ ಹಾಲಿಗೆ 3.5 ಫ್ಯಾಟ್‌ ಹಾಗೂ 8.5 ಎಸ್‌ಎನ್‌ಎಫ್‌ ಹೊಂದಿದ ಲೀಟರ್‌ ಹಾಲಿಗೆ 21.60 ರೂ. (5 ರೂ. ಪ್ರೋತ್ಸಾಹ ಧನ ಹೊರತುಪಡಿಸಿ) ದರವಿದೆ. ಈ ದರವು ಕೃಷಿಕರನ್ನು ಹೈ ನುಗಾರಿಕೆಗೆ ಮತ್ತಷ್ಟು ಪ್ರೋತ್ಸಾಹಿಸಿದೆ.

ಹಾಲಿನ ಮಾರಾಟದ ವಿವರ:

* 1 ಲಕ್ಷ ಲೀಟರ್‌ ಹಾಲಿನ ರೂಪದಲ್ಲಿ ಮಾರಾಟ

* 1 ಲಕ್ಷ 20 ಸಾವಿರ ಲೀಟರ್‌ ಹಾಲು ಪೌಡರ

* 4 ಜಿಲ್ಲೆಗೆ ತಿಂಗಳಿಗೆ 320 ಟನ್‌ ಹಾಲಿನ ಪೌಡರ್‌

*15-20 ಸಾವಿರ ಲೀಟರ್‌ ಹಾಲು ಪೇಡಾ ಇತರ ಉತ್ಪನ್ನಗಳ ತಯಾರಿಕೆ.