ಭೂಸುಧಾರಣೆ ತಿದ್ದುಪಡಿ ರದ್ದುಪಡಿಸಲು ಒತ್ತಾಯ

ಹುಬ್ಬಳ್ಳಿ: ಭೂಸುಧಾರಣೆ ಕಾಯ್ದೆಗೆ ತಿದ್ದುಪಡಿ ತಂದಿರುವ ವಿದೇಯಕವನ್ನು ರದ್ದುಪಡಿಸಬೇಕು ಎಂದು ಒತ್ತಾಯಿಸಿ ಧಾರವಾಡ ಜಿಲ್ಲಾಕರ್ನಾಟಕ ದಲಿತ ವಿಮೋಚನಾ ಸಮಿತಿ ಸೋಮವಾರ ಮಿನಿ ವಿಧಾನಸೌಧದ ಎದುರು ಪ್ರತಿಭಟನೆ ನಡೆಸಿದರು.

ಈ ಕಾಯ್ದೆಯಲ್ಲಿಬಂಡವಾಳ ಶಾಹಿಗಳು, ಉದ್ದಿಮೆದಾರರು, ವರ್ತಕರು, ಭೂ ಮಾಫೀಯಾದವರು ಹಾಗೂ ಉನ್ನತ ಮಟ್ಟದ ಅಧಿಕಾರಿಗಳು ಬಡ ಹಾಗೂ ಸಣ್ಣ ವರ್ಗದ ರೈತರ ಭೂಮಿಯನ್ನು ಖರೀದಿಸಿ ಕಾರ್ಪೋರೇಟ್‌ ಅಗ್ರಿಕಲ್ಚರ್‌ ಹುಟ್ಟು ಹಾಕುವ ಮೂಲಕ ರೈತರನ್ನು ನಿರ್ಗತಿಕರನ್ನಾಗಿ ಮಾಡುವ ಹುನ್ನಾರ ಅಡಗಿದೆ ಎಂದು ಪ್ರತಿಭಟನಾಕಾರರು ಆರೋಪಿಸಿದರು.

ಗ್ರಾಮೀಣ ಪ್ರದೇಶದ ರೈತರು ಭೂಮಿಯನ್ನು ಕಳೆದುಕೊಂಡು ಶಹರಗಳತ್ತ ಗುಳೆ ಹೋಗುವ ಹಾಗೂ ಬಂಡವಾಳ ಶಾಹಿಗಳ ಕೈಕೆಳಗೆ ದುಡಿಸಿಕೊಳ್ಳುವ ಪ್ರವೃತ್ತಿಯನ್ನು ಬಿಜೆಪಿ ಸರಕಾರ ಹುಟ್ಟು ಹಾಕಿದೆ. ರೈತ ಸಮುದಾಯಕ್ಕೆ ಮಾರಕವಾದ ಈ ಕಾಯ್ದೆಯನ್ನು ಕೂಡಲೇ ರದ್ದುಪಡಿಸಬೇಕು. ಇಲ್ಲವಾದರೆ, ರಾಜ್ಯಾದ್ಯಂತ ಉಗ್ರ ಹೋರಾಟ ನಡೆಸಲಾಗುವುದು ಎಂದು ಎಚ್ಚರಿಸಿದರು.

ಇದೇ ಸಂದರ್ಭದಲ್ಲಿಬೇಡಿಕೆ ಮನವಿಯನ್ನು ತಹಸೀಲ್ದಾರ್‌ ಮೂಲಕ ಸರಕಾರಕ್ಕೆ ಸಲ್ಲಿಸಲಾಯಿತು. ಪ್ರತಿಭಟನೆಯಲ್ಲಿಸಮಿತಿ ಜಿಲ್ಲಾಸಂಘಟನಾ ಸಂಚಾಲಕ ಓಂ ನಮ ಶಿವಾಯ ಎಸ್‌. ವೀರಾಪುರ, ರವಿ ಕವಲಗಿ, ಮೌನೇಶ ಮೇತ್ರಿ, ದೀಪು ಇಂಗಳಹಳ್ಳಿ, ಹುಲಗಪ್ಪ ಸತ್ತಿಗೇರಿ, ತಿರುಪತಿ ವೀರಾಪೂರ, ಉಮೇಶ ನವಲಗುಂದ, ದೇವರಾಜ ಇಂಗಳಗಿ, ಮಂಜುನಾಥ ರಣತೂರ ಸೇರಿದಂತೆ ಅನೇಕರು ಇದ್ದರು.