ಇಂಧನ ಕೊರತೆಯಾಗದಂತೆ ಪೂರೈಸಲು ಜೋಶಿ ಸೂಚನೆ

ಹುಬ್ಬಳ್ಳಿ: ಹುಬ್ಬಳ್ಳಿ-ಧಾರವಾಡ ಅವಳಿನಗರಗಳು ನಾಳೆಯಿಂದ ಪೆಟ್ರೋಲ್‌, ಡೀಸೆಲ್‌ ಪೂರೈಕೆಯಾಗುವುದಿಲ್ಲ. ಆದ್ದರಿಂದ ಇಂಧನ ದೊರೆಯುವುದಿಲ್ಲವೆಂಬ ಸುದ್ದಿ ಹರಿದಾಡುತ್ತಿದ್ದು ಆದರೆ ಇದು ಸತ್ಯವಲ್ಲ, ಈ ಕುರಿತು ಎಚ್‌ಪಿಸಿಎಲ್‌ ಐಓಸಿಎಲ್‌ ಮತ್ತು ಬಿಪಿಸಿಎಲ್‌ ಅಧಿಕಾರಿಗಳೊಂದಿಗೆ ದೂರವಾಣಿ ಮೂಲಕ ಕೇಂದ್ರ ಸಚಿವ ಪ್ರಹ್ಲಾದ್‌ ಜೋಶಿ ಮಾತನಾಡಿದ್ದು ಯಾವುದೇ ತೊಂದರೆಯಾಗದಂತೆ ಇಂಧನ ಪೂರೈಸಲು ಸೂಚಿಸಿದ್ದಾರೆ.

ಪ್ರತಿದಿನದಂತೆ ಟ್ಯಾಂಕರ್‌ಗಳ ಮೂಲಕ ಇಂಧನ ಸರಬರಾಜು ನಡೆಯುತ್ತದೆ. ಹೀಗಾಗಿ ಯಾರೂ ಕೂಡಾ ಪೆಟ್ರೋಲ್‌ ಮತ್ತು ಡೀಸೆಲ್‌ ಪೂರೈಕೆ ಕುರಿತು ಅನುಮಾನ ಪಡಬೇಕಿಲ್ಲ ಪ್ರತಿದಿನದಂತೆ ಎಲ್ಲ ಪೆಟ್ರೋಲ್‌ ಬಂಕ್‌ಗಳಲ್ಲಿ ಇಂಧನ ದೊರೆಯುತ್ತದೆ ಎಂದು ಸಚಿವರು ತಿಳಿಸಿದ್ದಾರೆ.

ಅಲ್ಲದೇ ಅತೀವೃಷ್ಟಿಯಿಂದ ತೊಂದರೆಗೀಡಾದ ಸಾರ್ವಜನಿಕರು ಚಿಟಗುಪ್ಪಿ ಆವರಣದಲ್ಲಿರುವ ತಮ್ಮ ಕಾರ್ಯಾಲಯಕ್ಕೆ ಯಾವುದೇ ಸಹಾಯ ಹಾಗೂ ಪರಿಹಾರಕ್ಕಾಗಿ ನೇರವಾಗಿ ಹಾಗೂ ದೂರವಾಣಿ ಮುಖಾಂತರ 0836-2251055 ಅಥವಾ 2258955 ಸಂಪರ್ಕಿಸಿದಲ್ಲಿ ಸೂಕ್ತ ನೆರವು ನೀಡಲು ಸಹಕರಿಸುವುದಾಗಿ ಸಚಿವ ಜೋಶಿ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.