ಗೂಡಂಗಡಿ ತೆರವು ಕಾರ್ಯಾಚರಣೆ

ಹುಬ್ಬಳ್ಳಿ: ಹು-ಧಾ ಮಹಾನಗರ ಪಾಲಿಕೆಯ ವಲಯ ಕಚೇರಿ-8ರ ವ್ಯಾಪ್ತಿಯಲ್ಲಿಮಂಗಳವಾರ ಕಾರ್ಯಾಚರಣೆ ನಡೆಸಿದ ಪಾಲಿಕೆ ಸಿಬ್ಬಂದಿ ಫುಟ್‌ಪಾತ್‌ ಮೇಲಿನ 25ಕ್ಕೂ ಹೆಚ್ಚು ಅನಧಿಕೃತ ಗೂಡಂಗಡಿಗಳನ್ನು ತೆರವುಗೊಳಿಸಿದರು.

ಚಿಟಗುಪ್ಪಿ ಆಸ್ಪತ್ರೆಯ ಮುಂಭಾಗದಲ್ಲಿ2 ಚಹಾದ ಅಂಗಡಿ, ಮಂಟೂರು ರಸ್ತೆಯ ಸಾರ್ವಜನಿಕ ಸ್ಥಳದಲ್ಲಿದ್ದ 8 ಡಬ್ಬಾ ಅಂಗಡಿ ಹಾಗೂ ಪುಟ್‌ಪಾತ್‌ ಅತಿಕ್ರಮಣ ಮಾಡಿದ್ದ 15 ಗೂಡಂಗಡಿಗಳನ್ನು ತೆರವುಗೊಳಿಸಲಾಗಿದೆ.

ಪಾಲಿಕೆ ಆಯುಕ್ತರಾದ ಸುರೇಶ ಇಟ್ನಾಳ ಅವರ ನಿರ್ದೇಶನದಂತೆ ಈ ಕಾರ್ಯಾಚರಣೆ ನಡೆದಿದ್ದು, ಸಹಾಯಕ ಆಯುಕ್ತ ಎಸ್‌.ಎನ್‌.ಗಣಾಚಾರಿ, ಆರೋಗ್ಯ ನಿರೀಕ್ಷಕರಾದ ಪುಂಡಲೀಕ ಯಾತನವರ, ಸೈಯ್ಯದ ಮೈನುದ್ದೀನ ಸಿಂದೂಗಿ ಹಾಜರಿದ್ದರು.

ಸಂಜೆ ಮತ್ತೆ ವ್ಯಾಪಾರ ಆರಂಭ..
ಪಾಲಿಕೆ ಅಧಿಕಾರಿಗಳು ಹಾಗೂ ಸಿಬ್ಬಂದಿ ಬೆಳಗ್ಗೆ ಕಾರ್ಯಾಚರಣೆ ನಡೆಸಿ ಚಿಟಗುಪ್ಪಿ ಆಸ್ಪತ್ರೆಯ ಎದುರಿನಲ್ಲಿಗೂಡಂಗಡಿಗಳ ತೆರವುಗೊಳಿಸಿದ್ದರು. ಆದರೆ ಸಂಜೆ ಮತ್ತೆ ಎತಾ ಪ್ರಕಾರ ಗೂಡಂಗಡಿಗಳು ವ್ಯಾಪಾರ ಮುಂದುವರೆಸಿದವು.