ಕೆಎಂಎಫ್‌: ಬಿಜೆಪಿ ಬೆಂಬಲಿತರ ಮೇಲುಗೈ

ಧಾರವಾಡ : ಉತ್ತರಕನ್ನಡ, ಧಾರವಾಡ, ಹಾವೇರಿ ಹಾಗೂ ಗದಗ ಜಿಲ್ಲೆಗಳ ವ್ಯಾಪ್ತಿ ಹೊಂದಿರುವ ಧಾರವಾಡ ಹಾಲು ಒಕ್ಕೂಟ (ಕೆಎಂಎಫ್‌)ದ ನಿರ್ದೇಶಕ ಮಂಡಳಿಗೆ ನಡೆದ ಚುನಾವಣೆಯಲ್ಲಿ ಬಿಜೆಪಿ ಬೆಂಬಲಿತ ಅಭ್ಯರ್ಥಿಗಳು ಮೇಲುಗೈ ಸಾಧಿಸಿದ್ದಾರೆ.

ಒಟ್ಟು 12 ನಿರ್ದೇಶಕ ಸ್ಥಾನಗಳಿಗೆ ಭಾನುವಾರ ನಡೆದ ಚುನಾವಣೆಯಲ್ಲಿ 8 ಬಿಜೆಪಿ ಬೆಂಬಲಿತ ಅಭ್ಯರ್ಥಿಗಳು ಹಾಗೂ 4 ಸ್ಥಾನಗಳಲ್ಲಿ ಕಾಂಗ್ರೆಸ್‌ ಬೆಂಬಲಿತ ಅಭ್ಯರ್ಥಿಗಳು ಗೆಲುವು ಸಾಧಿಸಿದ್ದಾರೆ.

ನಿರ್ದೇಶಕ ಮಂಡಳಿು 12 ಸ್ಥಾನಗಳ ಪೈಕಿ 6 ಸ್ಥಾನಗಳಿಗೆ ಅಂದರೆ ಧಾರವಾಡ ಕ್ಷೇತ್ರದಿಂದ ಶಂಕರ ಮುಗದ, ರೋಣ ಕ್ಷೇತ್ರದಿಂದ ನೀಲಕಂಠಪ್ಪ ಅಸೂಟಿ, ಗದಗ ಕ್ಷೇತ್ರದಿಂದ ಎಚ್‌.ಜಿ.ಹಿರೇಗೌಡರ, ಶಿರಸಿ ಕ್ಷೇತ್ರದಿಂದ ಸುರೇಶ್ಚÜಂದ್ರ ಹೆಗಡೆ, ಹಾವೇರಿಯಿಂದ ಬಸವರಾಜ ಅರಬಗೊಂಡ ಮತ್ತು ಶಿಗ್ಗಾವಿಯಿಂದ ಬಸವರಾಜ ಮೇಲಿನಮನಿ ಅವಿರೋಧವಾಗಿ ಆಯ್ಕೆ ಆಗಿದ್ದರು.

ಆರು ನಿರ್ದೇಶಕ ಸ್ಥಾನಗಳಿಗೆ ಭಾನುವಾರ ನಡೆದ ಚುನಾವಣೆಯಲ್ಲಿ ಯಲ್ಲಾಪುರ ಕ್ಷೇತ್ರದಿಂದ ಶಂಕರ ಹೆಗಡೆ, ಸಿದ್ದಾಪುರ ಕ್ಷೇತ್ರದಿಂದ ಪಿ.ವಿ.ನಾಯ್ಕ, ಹುಬ್ಬಳ್ಳಿ ಕ್ಷೇತ್ರದಿಂದ ಸುರೇಶ ಬಣವಿ, ಕಲಘಟಗಿ ಕ್ಷೇತ್ರದಿಂದ ಗೀತಾ ಮರಿಲಿಂಗಣ್ಣನವರ, ಶಿರಹಟ್ಟಿಯಿಂದ ಎಂ.ಎಚ್‌. ಪಾಟೀಲ ಆಯ್ಕೆಯಾಗಿದ್ದಾರೆ ಎಂದು ಕೆಎಂಎಫ್‌ ವ್ಯವಸ್ಥಾಪಕ ನಿರ್ದೇಶಕ ಸುರೇಶ ನಾಯಕ್‌ ಅವರು 'ವಿಜಯ ಕರ್ನಾಟಕ'ಕ್ಕೆ ತಿಳಿಸಿದ್ದಾರೆ.