ಬಿಆರ್‌ಟಿಎಸ್‌ ಬ್ಯಾರಿಕೇಡ್‌ಗೆ ಲಾರಿ ಡಿಕ್ಕಿ

ಹುಬ್ಬಳ್ಳಿ: ಚಾಲಕನ ನಿರ್ಲಕ್ಷ್ಯದಿಂದ ಬಿಆರ್‌ಟಿಎಸ್‌ ಕಾರಿಡಾರ್‌ ಅಕ್ಕ ಪಕ್ಕದಲ್ಲಿ ಅಳಡಿಸಿರುವ ಬ್ಯಾರಿಕೇಡ್‌ಗೆ ಲಾರಿ ಡಿಕ್ಕಿ ಹೊಡೆದ ಘಟನೆ ಇಲ್ಲಿಯ ಉಣಕಲ್‌ ಬಳಿ ಸೋಮವಾರ ಸಂಭವಿಸಿದೆ.

ಧಾರವಾಡ ಕಡೆಯಿಂದ ವೇಗವಾಗಿ ಬಂದ್‌ ಲಾರಿ ಚಾಲಕ, ವಾಹನದ ವೇಗ ನಿಯಂತ್ರಿಸಲಾಗದೆ ಬ್ಯಾರಿಕೇಡ್‌ಗೆ ಡಿಕ್ಕಿಯಾಗಿಸಿದ್ದಾನೆ. ಇದರಿಂದ ಬ್ಯಾರಿಕೇಡ್‌ ಮುರಿದು ಬಿದ್ದಿದ್ದು, ಲಾರಿ ಜಖಂಗೊಂಡಿದೆ. ಘಟನೆಯಲ್ಲಿ ಲಾರಿ ಚಾಲಕನಿಗೆ ಸಣ್ಣಪುಟ್ಟ ಗಾಯಗಳಾಗಿವೆ. ಈ ಬಗ್ಗೆ ದಕ್ಷಿಣ ಸಂಚಾರ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.