ಮಾನಸಿಕ ಹಿಂಸೆ ನಿಲ್ಲಿಸಲಿ

ಧಾರವಾಡ : ಪ್ರಜಾಪ್ರಭುತ್ವ ಉಳಿಸಿರಿ ಮತ್ತು ಡಿ.ಕೆ.ಶಿವಕುಮಾರ ಅವರಿಗೆ ನೀಡುತ್ತಿರುವ ಮಾನಸಿಕ ಹಿಂಸೆ ನಿಲ್ಲಲಿ ಎಂದು ಆಗ್ರಹಿಸಿ ಹುಬ್ಬಳ್ಳಿ ಧಾರವಾಡ ಮಹಾನಗರ ಜಿಲ್ಲಾ ಕಾಂಗ್ರೆಸ್‌ ಸಮಿತಿಯ ವತಿಯಿಂದ ಇಲ್ಲಿನ ಅಂಬೇಡ್ಕರ ಪುತ್ಥಳಿಯ ಮುಂದೆ ಪ್ರತಿಭಟನೆ ನಡೆಸಲಾಯಿತು. ಕೆಪಿಸಿಸಿ ಸದಸ್ಯ ರಾಬರ್ಟ ದದ್ದಾಪುರಿ ಹಾಗೂ ಹು-ಧಾ ಮಹಾನಗರ ಜಿಲ್ಲಾ ಕಾಂಗ್ರೆಸ್‌ ಸಮಿತಿಯ ಪ್ರಧಾನ ಕಾರ್ಯದರ್ಶಿ ಆನಂದ ಜಾಧವ ನೇತೃತ್ವದಲ್ಲಿ ನೂರಾರು ಕಾಂಗ್ರೆಸ್‌ ಕಾರ್ಯಕರ್ತರು ವಿವಿಧ ಘೋಷಣೆ ಕೂಗಿ ರಾಜ್ಯ ಹಾಗೂ ಕೇಂದ್ರದ ಬಿಜೆಪಿ ದುರಾಡಳಿತ ಖಂಡಿಸಿದರು.

ನಂತರ ಜಿಲ್ಲಾಧಿಕಾರಿಗಳ ಕಚೇರಿಗೆ ತೆರಳಿ ಭಾರತದಲ್ಲಿಂದು ಪ್ರಜಾಪ್ರಭುತ್ವವು ಸಂಕಷ್ಟದಲ್ಲಿದೆ. ರಾಷ್ಟ್ರಪತಿಗಳು ಕೂಡಲೇ ಮಧ್ಯ ಪ್ರವೇಶಿಸಿ ಬಿಜೆಪಿ ಸರಕಾರವು ವಿವಿಧ ಅಂಗಗಳ ಮೇಲೆ ಪ್ರಭಾವ ಬೀರಿ ಕಾಂಗ್ರೆಸ್‌ ಹಾಗೂ ವಿರೋಧ ಪಕ್ಷ ದವರನ್ನು ಗುರಿಯಾಗಿರಿಸಿಕೊಂಡು ಹಿಂಸಿಸುತ್ತಿರುವುದನ್ನು ನಿಲ್ಲಿಸುವಂತೆ ಜಿಲ್ಲಾಧಿಕಾರಿಗಳ ಮೂಲಕ ರಾಷ್ಟ್ರಪತಿಗಳಿಗೆ ಮನವಿ ಸಲ್ಲಿಸಲಾಯಿತು.

ಬಸವರಾಜ ಕಿತ್ತೂರ, ಬಸವರಾಜ ಮಲಕಾರಿ, ಶಾಂತಮ್ಮ ಗುಜ್ಜಳ, ನಾಗರಾಜ ಗುರಿಕಾರ, ಗ್ರೆಗರಿ ಜೆವಿಯರ್‌, ಎಚ್‌.ಎಮ್‌ ರಾಜು, ಪ್ರಕಾಶ ಘಾಟಗೆæ, ಮಂಜು ಭೋವಿ, ಶ್ರೀಧರಶೆಟ್‌, ವಸಂತ ಅರ್ಕಾಚಾರಿ, ರೇಣುಕಾ ಕಳ್ಳಿಮನಿ, ಪ್ರಭಾವತಿ ವಡ್ಡಿನ, ಶೋಭಾ ಅಣ್ಣಿಗೇರಿ, ಧೃತಿ ಸಾಲ್ಮನಿ, ಸುಮಾ ಮಿನಗಲರ, ಗಿರಿಜಾ ಗೂಳೆಕೊಪ್ಪ, ವೀಣಾ ಆನಿ, ಸರೋಜಾ ಪಾಟೀಲ, ರಫೀಕ್‌ ದರಗದ, ಸಲೀಂ ಪಠಾಣ, ಗೌಸ ನವಲೂರ, ಆನಂದ ಸಿಂಗನಾಥ, ಹೇಮಂತ ಗುರ್ಲಹೊಸೂರ ಇದ್ದರು.