ಶಿಕ್ಷಕರು ಸಂಘಟಿತರಾಗಲಿ: ಹೊರಟ್ಟಿ

ಧಾರವಾಡ :ಶಿಕ್ಷ ಕರು ಒಗ್ಗಟ್ಟಿನಿಂದ ಸಂಘಟನೆಯಲ್ಲಿ ಪಾಲ್ಗೊಳ್ಳಬೇಕು ಎಂದು ವಿಧಾನ ಪರಿಷತ್‌ ಸಭಾಪತಿ ಬಸವರಾಜ ಹೊರಟ್ಟಿ ಅಭಿಪ್ರಾಯ ಪಟ್ಟರು. ನಗರದ ಜೆ.ಎಸ್‌.ಎಸ್‌. ಶಿಕ್ಷ ಣ ಮಹಾವಿದ್ಯಾಲಯದ ಉತ್ಸವ ಸಭಾಭವನದಲ್ಲಿ ಕರ್ನಾಟಕ ರಾಜ್ಯ ಖಾಸಗಿ ಅನುದಾನಿತ ಪ್ರಾಥಮಿಕ ಶಾಲಾ ಶಿಕ್ಷ ಕರ ಸಂಘ ಹುಬ್ಬಳ್ಳಿ-ಧಾರವಾಡ ಜಿಲ್ಲಾ ಘಟಕದಿಂದ ಶಿಕ್ಷ ಕ ದಿನೋತ್ಸವದ ನಿಮಿತ್ತ ಆಯೋಜಿಸಿದ ಕಾರ್ಯಕ್ರಮದಲ್ಲಿ ಸೇವೆಯಿಂದ ನಿವೃತ್ತರಾದ 15 ಜನ ಶಿಕ್ಷ ಕರನ್ನು ಸನ್ಮಾನಿಸಿ ಅವರು ಮಾತನಾಡಿದರು.

ಶಿಕ್ಷ ಕರ ಬೇಕು ಬೇಡಿಕೆಗಳಿಗಾಗಿ ಕಳೆದ 30 ವರ್ಷಗಳಿಂದ ಈ ಸಂಘವು ಹೋರಾಟ ಮಾಡುತ್ತಾ ಬಂದಿದೆ, ಸಂಘದ ಸಾಧನೆ ಶ್ಲಾಘನೀಯ. ನಿವೃತ್ತರಾದ ಶಿಕ್ಷ ಕರು ನೀವು ಪುಣ್ಯವಂತರು ಮುಂದಿನ ದಿನಮಾನಗಳು ಕಷ್ಟದಾಯಕಗಳಿವೆ. ಕಾರಣ ಶಿಕ್ಷ ಕರಾದ ತಾವುಗಳು ತಮ್ಮ ಪಾಲಿನ ಕರ್ತವ್ಯವನ್ನು ನಿಷ್ಠೆಯಿಂದ ಮಾಡಿರಿ ಎಂದರು.

ಅಥಿತಿ ಸಾರ್ವಜನಿಕ ಶಿಕ್ಷ ಣ ಇಲಾಖೆ ಉಪನಿರ್ದೇಶಕ ಆರ್‌.ಎಸ್‌. ಮುಳ್ಳೂರ ಕಲಿಕೆಗೆ ಪೂರಕವಾದ ವಾತಾವರಣವನ್ನು ವರ್ಗಕೋಣೆಯಲ್ಲಿ ನಿರ್ಮಿಸುವುದರ ಮೂಲಕ ಕಲಿಕೆಯನ್ನು ಸಮರ್ಪಕವಾಗಿ ಮಾಡಿ ಎಂದರು.

ಶಹರ ವಲಯದ ಕ್ಷೇತ್ರಶಿಕ್ಷ ಣಾಧಿಕಾರಿ ಎ.ಎ.ಖಾಜಿ ಮಾತನಾಡಿ ಎಲ್ಲ ನಿವೃತ್ತ ಶಿಕ್ಷ ಕರಿಗೆ ಶುಭ ಹಾರೈಸಿದರು. ರಾಜ್ಯಾಧ್ಯಕ್ಷ ದಿವಾಕರ ಪುನೀತ ಅಧ್ಯಕ್ಷ ತೆ ವಹಿಸಿದ್ದರು.

ಈ ಸಂದರ್ಭದಲ್ಲಿ ಜಿಲ್ಲೆಯ 15 ಜನ ನಿವೃತ್ತ ಶಿಕ್ಷ ಕರು ಹಾಗೂ ಪ್ರಶಸ್ತಿ ಪಡೆದ ಮೂರುಜನ ಶಿಕ್ಷ ಕರನ್ನು ಸನ್ಮಾನಿಸಲಾಯಿತು.

ಎಫ್‌.ಟಿ.ಕೆಮ್ಮಣಕೇರಿ ಗುರುಸ್ವಾಮಿ ಬಾಳೆಹಳ್ಳಿಮಠ, ಎಂ.ಬಿ. ಬೆನಪ್ಪನವರ, ಡಿ.ಬಿ. ಹೊಂಬಳ, ಎ.ಆರ್‌. ಮಾನೆ, ಎಸ್‌, ಎಂ.ಯತ್ನಳ್ಳಿ, ಆರ್‌.ಕೆ.ಬಳಗಾನೂರು ಉಪಸ್ಥಿತರಿದ್ದರು.

ವಿಲ್ಸನ್‌ ಜೆ ಮೈಲಿ ಪ್ರಾಸ್ತಾವಿಕವಾಗಿ ಮಾತನಾಡಿದರು. ಎಸ್‌.ಎಂ. ಹೂಗಾರ ನಿರೂಪಿಸಿದರು. ಎಸ್‌.ಬಿ. ಮುದೇಗೌಡ್ರ, ವಂದಿಸಿದರು.