ಡಿಜಿಟಲೀಕರಣದತ್ತ ಲಿಡ್ಕರ್‌ ನಿಗಮ

ಹುಬ್ಬಳ್ಳಿ : ಲಿಡ್ಕರನ ಚರ್ಮ ಕೈಗಾರಿಕಾ ವಸ್ತುಗಳನ್ನು ಆಧುನಿಕತೆಗೆ ತಕ್ಕಂತೆ ಸುಂದರವಾಗಿ ಹಾಗೂ ಅತ್ಯಾಕರ್ಷಕವಾಗಿ ವಿನ್ಯಾನಗೊಳಿಸುವ ಜೊತೆಗೆ ಅವುಗಳನ್ನು ಆನ್‌ ಲೈನ್‌ ಶಾಪಿಂಗ್‌ ಮೂಲಕ ಮಾರಾಟ ಮತ್ತು ಖರೀದಿಸುವಂತೆ ಮಾಡಲು ಯೋಜನೆ ರೂಪಿಸಿರುವ ಶಾಸಕ ಹಾಗೂ ಲಿಡ್ಕರ್‌ ಅಧ್ಯಕ್ಷ ಪ್ರಸಾದ ಅಬ್ಬಯ್ಯ ಅವರು ಶುಕ್ರವಾರ ಬೆಂಗಳೂರಿನ ಡಿಜಿಟಲ್‌ ಮಾರ್ಕೆಟಿಂಗ್‌ನ ಜಾಹೀರಾತು ವಿಭಾಗದ ಸಂಸ್ಥೆಯೊಂದಕ್ಕೆ ಭೇಟಿ ನೀಡಿ ಅಧ್ಯಯನ ನಡೆಸಿದರು.

ಈ ಚಿಂತನೆಯಿಂದ ಮುಂಬರುವ ದಿನಗಳಲ್ಲಿ ಚರ್ಮ ಕೈಗಾರಿಕೆಯಲ್ಲಿ ನಿರತ ಕುಶಲಕರ್ಮಿಗಳಿಗೆ ರಾಜ್ಯ- ರಾಷ್ಟ್ರಮಟ್ಟದಲ್ಲೂ ತಮ್ಮ ಉತ್ಪನ್ನಗಳನ್ನು ಬ್ರ್ಯಾಂಡಿಂಗ್‌ ಮಾಡಿ ಮಾರಾಟ ಮಾಡಲು ಅವಕಾಶ ಸಿಗುವ ಜೊತೆಗೆ ತಮ್ಮನೆಚ್ಚಿನ ವಿನ್ಯಾಸದ ಚರ್ಮದ ಉತ್ಪನ್ನಗಳನ್ನು ಕುಳಿತಲ್ಲಿಯೇ ಖರೀದಿ ಮಾಡಲು ಸಹ ಖರೀದಿದಾರರಿಗೆ ಅನುಕೂಲವಾಗಲಿದೆ. ಈ ಮೂಲಕ ನಿಗಮಕ್ಕೆ ತನ್ನದೇ ಆದ ಹೊಸ ಇಮೇಜ್‌ ಮೂಡಲಿದೆ ಎಂದು ಅಧ್ಯಕ್ಷ ರು ಅಭಿಪ್ರಾಯಪಟ್ಟಿದ್ದಾರೆ. ಲಿಡ್ಕರ್‌ನ ಸಲಹಾ ಸಮಿತಿ ಸದಸ್ಯ ಫರ್ವೇಜ್‌ ಕೊಣ್ಣೂರು, ಇನ್ನಿತರರು ಇದ್ದರು.