ವಿಶೇಷಚೇತರನ್ನು ಪ್ರೀತಿಯಿಂದ ಕಾಣಿರಿ

ನವಲಗುಂದ : ವಿಶೇಷಚೇತರನ್ನು ಎಲ್ಲರಂತೆ ಪ್ರೀತಿಯಿಂದ ಕಾಣಬೇಕು ಎಂದು ಹಿರಿಯ ದಿವಾಣಿ ನ್ಯಾಯಾಧೀಶ ಸಂದೀಪ ಸಾಲಿಯಾನ ಹೇಳಿದರು.
ಸೋಮವಾರ ನಾನಾ ಇಲಾಖೆಗಳ ಸಹಯೋಗದಲ್ಲಿ ಕೋರ್ಟ್‌ ಆವರಣದಲ್ಲಿ ಆಯೋಜಿಸಿದ್ದ ವಿಶ್ವ ಏಡ್ಸ ಹಾಗೂ ವಿಶೇಷಚೇತನರ ದಿನಾಚರಣೆ ಅಂಗವಾಗಿ ಕಾನೂನು ಅರಿವು ನೆರವು ಕಾರ್ಯಕ್ರಮ ಹಾಗೂ ಶಾಲಾ ಮಕ್ಕಳ ಜಾಥಾಕ್ಕೆ ಚಾಲನೆ ನೀಡಿ ಮಾತನಾಡಿದರು. ಏಡ್ಸ್‌ ಮುಕ್ತ ನಗರವನ್ನಾಗಿ ಮಾಡಲು ಎಲ್ಲರೂ ಪಣ ತೊಡಬೇಕೆಂದು ಹೇಳಿದರು.

ಸರಕಾರಿ ಮಾದರಿ ಕೇಂದ್ರ ಕನ್ನಡ ಗಂಡು ಮಕ್ಕಳ ಶಾಲೆ ನಂ.1ಪ್ರಧಾನ ಗುರು ಬಿ.ವೈ.ಮೂಲಿಮನಿ ಅಧ್ಯಕ್ಷ ತೆ ವಹಿಸಿದ್ದರು. ದಿವಾಣಿ ನ್ಯಾಯಾಧೀಶರಾದ ಸುನೀಲ ತಳವಾರ ಹಾಗೂ ವಕೀಲರ ಸಂಘದ ಅಧ್ಯಕ್ಷ ವಿ.ಪಿ.ಪಾಟೀಲ ಏಡ್ಸ ತಡೆಗಟ್ಟುವ ಕುರಿತು ಪ್ರಾಸ್ತಾವಿಕ ಮಾತನಾಡಿದರು. ವಕೀಲ ಎಸ್‌.ಎನ್‌.ಡಂಬಳ ಉಪನ್ಯಾಸ ನೀಡಿದರು. ಧಾರವಾಡದ ಬೆಳಕು ಮಹಿಳಾ ಸಂಘದ ಅಧ್ಯಕ್ಷೆ ಹುಸೇನಬಿ ಕೊಟೂರ, ಕಾನೂನು ಸ್ವಯಂ ಸೇವಕಿ ಮಂಜುಳಾ ಹೊಸಮನಿ, ಶಿಕ್ಷ ಕಿ ವಿ.ಪಿ.ದಂಡಿಗದಾಸರ, ವಕೀಲರಾದ ವಿ.ಟಿ.ಕುಲಕರ್ಣಿ, ಎಂ.ಎಸ್‌.ಹೆಬ್ಬಳ್ಳಿ, ಎಸ್‌.ವಿ.ಮರಡ್ಡಿ, ಎಂ.ಟಿ.ಹೆಬಸೂರ, ಶಾಂತಾ ಚಿಕ್ಕನರಗುಂದ ಉಪಸ್ಥಿತರಿದ್ದರು.