ಲೈಟಾಗಿ ಲವ್ವಾಗಿದೆ ನ.29ಕ್ಕೆ ಬಿಡುಗಡೆ

ಹುಬ್ಬಳ್ಳಿ: ಬಹುತೇಕ ಉತ್ತರ ಕರ್ನಾಟಕದ ಪ್ರತಿಭೆಗಳನ್ನು ಇಟ್ಟುಕೊಂಡು ನಿರ್ಮಿಸಿರುವ ಲೈಟಾಗಿ ಲವ್ವಾಗಿದೆ ಕನ್ನಡ ಚಿತ್ರ ನ.29 ಅಥವಾ ಡಿಸೆಂಬರ್‌ 6ರಂದು ರಾಜ್ಯಾದ್ಯಂತ ಬಿಡುಗಡೆಯಾಗಲಿದೆ ಎಂದು ನಿರ್ದೇಶಕ ಗುರುರಾಜ ಗದಾಡಿ ಹೇಳಿದರು.

ಶನಿವಾರ ನಡೆದ ಪತ್ರಿಕಾಗೋಷ್ಠಿಯಲ್ಲಿಮಾತನಾಡಿದ ಅವರು, ಒಂದು ಸಿಂಪಲ್‌ ಲವ್‌ ಸ್ಟೋರಿ ಇಟ್ಟುಕೊಂಡು ನಿರ್ಮಿಸಿರುವ ಚಿತ್ರ ಇದಾಗಿದ್ದು, ವಿಶಿಷ್ಟವಾದ ಹಾಗೂ ಟ್ರೈ ಎಂಗಲ್‌ ಲವ್‌ ಸ್ಟೋರಿ ಹೊಂದಿದೆ ಎಂದರು.

ಲೈಟಾಗಿ ಲವ್ವಾಗಿದೆ ಚಿತ್ರದಲ್ಲಿಸರಿಗಮಪ ಖ್ಯಾತಿಯ ಚನ್ನಪ್ಪ ಹುದ್ದಾರ ನಾಯಕ ನಟನಾಗಿ, ಧಾರಾವಾಹಿಯ ನಟಿ ದಿವ್ಯಾ ವಾಬೂಕರ್‌ ನಾಯಕ ನಟಿ ಆಗಿ ಅಭಿಯಿಸಿದ್ದಾರೆ. ಹಾಸ್ಯ ನಟರಾಗಿ ಸಂಜು ಬಸಯ್ಯ, ಎಲ್‌.ಎಸ್‌.ಕುಮಾರ, ದೇವು ಕಾಣಿಸಿಕೊಂಡಿದ್ದಾರೆ ಎಂದರು.

ಚಿತ್ರದಲ್ಲಿಒಟ್ಟು ನಾಲ್ಕು ಹಾಡುಗಳಿದ್ದು, ವಿಭಿನ್ನ ಸಂಗೀತ ಸಂಯೋಜನೆ ಮಾಡಲಾಗಿದೆ. ಬೆಳಗಾವಿ ಕೊಪ್ಪಳ, ಗಂಗಾವತಿ, ಗೋಕಾಕ್‌, ಬೆಂಗಳೂರು, ಹಾಸನ, ಚಿಕ್ಕಮಗಳೂರು ಸೇರಿದಂತೆ ಮುಂತಾದ ಅದ್ಭುತ ಸ್ಥಳದಲ್ಲಿಚಿತ್ರೀಕರಣ ಮಾಡಲಾಗಿದೆ. ಸೆನ್ಸಾರ್‌ ಬೋರ್ಡ್‌ನಿಂದ ಚಿತ್ರಕ್ಕೆ ಯು,ಎ ಪ್ರಮಾಣ ಪತ್ರ ಸಿಕ್ಕಿದ್ದು, ಕುಟುಂಬದ ಸದಸ್ಯರ ಜತೆ ಕುಳಿತು ನೋಡಬಹುದಾಗಿ ಚಿತ್ರ ಇದಾಗಿದೆ ಎಂದರು.

ಪತ್ರಿಕಾಗೋಷ್ಠಿಯಲ್ಲಿಮಂಜುನಾಥ ಹಗೇದಾರ, ನಿರ್ಮಾಪಕ ಎನ್‌.ಆರ್‌.ರಜಪೂತ, ಚಿತ್ರದ ಎರಡನೇ ನಟಿ ಶ್ವೇತಾ ಧಾರವಾಡ ಹಾಜರಿದ್ದರು.