ಶ್ವಾಸಕೋಶ ಜಾಗೃತಿ, ಉಚಿತ ತಪಾಸಣಾ ಶಿಬಿರ 23ಕ್ಕೆ

ಹುಬ್ಬಳ್ಳಿ : ಶ್ವಾಸಕೋಶ ಕ್ಯಾನ್ಸರ್‌ ಜಾಗೃತಿ ಕಾರ್ಯಕ್ರಮ ಹಾಗೂ ಉಚಿತ ತಪಾಸಣಾ ಶಿಬಿರವನ್ನು ನ. 23 ರಿಂದ 30 ರವರೆಗೆ ಎಚ್‌.ಸಿ.ಜಿ. ಎನ್‌ಎಂಆರ್‌ ಕ್ಯುರ್‌ ಕ್ಯಾನ್ಸರ್‌ ಸೆಂಟರ್‌ ವತಿಯಿಂದ ಹಮ್ಮಿಕೊಳ್ಳಲಾಗಿದೆ ಎಂದು ಡಾ. ವಿನಯಕುಮಾರ ಮುತ್ತಗಿ ತಿಳಿಸಿದರು.

ನಗರದಲ್ಲಿಸುದ್ದಿಗೋಷ್ಠಿಯಲ್ಲಿಮಾತನಾಡಿದ ಬುಧವಾರ ಅವರು, ಧೂಮಪಾನ, ದಟ್ಟ ವಾಹನಗಳ ಹೊಗೆ, ಧೂಳಿನಿಂದಾಗಿ ಶ್ವಾಸಕೋಶ ಕ್ಯಾನ್ಸರ್‌ ಉಂಟಾಗುತ್ತದೆ. ಆರಂಭಿಕ ಮಟ್ಟದಲ್ಲಿದ್ದರೆ ಮಾತ್ರ ಪೂರ್ಣವಾಗಿ ಗುಣಪಡಿಸಲು ಸಾಧ್ಯವಿದೆ. ಜನರಲ್ಲಿಜಾಗೃತಿ ಮೂಡಿಸುವುದು ಅವಶ್ಯವಿದ್ದು ಈ ನಿಟ್ಟಿನಲ್ಲಿಜಾಗೃತಿ ಸಪ್ತಾಹ ಆಯೋಜಿಸಿದ್ದೇವೆ ಎಂದರು.

ಡಾ. ರುದ್ರೇಶ ತಬಾಲಿ ಮಾತನಾಡಿ, ಕೆಮ್ಮು, ಎದೆನೋವು ಕಾಣಿಸುವುದು, ಉಸಿರಾಟದ ತೊಂದರೆ, ಆಯಾಸ ಮತ್ತು ದೇಹ ದೌರ್ಬಲ್ಯ, ಹೊಟ್ಟೆ ಹಸಿವಾಗದಿರುವಿಕೆ ಜತೆಗೆ ದೇಹದ ತೂಕ ಕ್ಷೀಣಿಸುವುದು ಅಲ್ಲದೇ ಮೆಟಾಸ್ಟ್ಯಾಟಿಕ್‌ ಕಾಯಿಲೆ ಶ್ವಾಸಕೋಶ ಕ್ಯಾನ್ಸರ್‌ ರೋಗದ ಲಕ್ಷಣಗಳಾಗಿವೆ. ಈ ಬಗ್ಗೆ ಆಸಕ್ತರು ಉಚಿತ ತಪಾಸಣೆಗೊಳಗಾಗಬಹುದು ಎಂದರು.

ಈ ಸಂದರ್ಭದಲ್ಲಿ ಡಾ. ಅನಂತ, ಸೋಮನಾಥ ರಾಯಕೋಡಿ ಸೇರಿದಂತೆ ಇನ್ನಿತರರು ಉಪಸ್ಥಿತರಿದ್ದರು.