ಧಾರವಾಡ: ಗೋವಾಕ್ಕೆ ಹೊರಟವರು ಮಸಣಕ್ಕೆ, ಟೆಂಪೋ ಹತ್ತಿದ ನತದೃಷ್ಟ ಮಹಿಳೆಯರ ನಗುವಿನ ಕೊನೆಯ ಸೆಲ್ಫಿ

ಧಾರವಾಡ: ಮಹಿಳೆಯರ ತಂಡವೊಂದು ಖುಷಿ-ಖುಷಿಯಾಗಿ ಟೆಂಪೋ ಟ್ರಾವೆಲರ್‌ ಹತ್ತಿದ್ದರು. ಟೆಂಪೋ ಟ್ರಾವೆಲರ್‌ನಲ್ಲಿ ಕುಳಿತ ಮಹಿಳೆಯರು, ಹರಟೆ ಹೊಡೆಯುತ್ತ ಸಮಯ ಕಳೆಯುತ್ತಿದ್ದರು. ಗೋವಾಗೆ ತೆರಳಿ ಅಲ್ಲಿ ಎಂಜಾಯ್‌ ಮಾಡುವ ಯೋಚನೆಯಲ್ಲಿದ್ದರು. ಆದರೆ ಅದು ಎಲ್ಲಿದ್ದನೋ ಗೊತ್ತಿಲ್ಲ ಜವರಾಯನ ರೂಪದಲ್ಲಿ ಬಂದ ಟಿಪ್ಪರ್‌, ಟೆಂಪೋ ಟ್ರಾವೆಲರ್‌ಗೆ ಡಿಕ್ಕಿ ಹೊಡೆದಿದೆ.

ಅವಘಡದ ಪರಿಣಾಮ ] ಟೆಂಪೋದಲ್ಲಿದ್ದ ಹತ್ತು ಮಹಿಳೆಯರ ಪ್ರಾಣಪಕ್ಷಿ ಹಾರಿ ಹೋಗಿದೆ. ವಾಹನದಲ್ಲಿ ಕುಳಿತು ಹರಟೆ ಹೊಡೆಯುತ್ತ, ನಗೆ ಚಟಾಕಿ ಹಾರಿಸುತ್ತಿದ್ದ ಆ ನಗು-ಖುಷಿ ಒಂದೇ ಕ್ಷಣಕ್ಕೆ ಮಾಯವಾಗಿ ಬಿಟ್ಟಿದೆ. ವಿಧಿಯಾಟಕ್ಕೆ 12 ಮಹಿಳೆಯರ ಉಸಿರು ನಿಂತಿದೆ. ಹೌದು, ಶುಕ್ರವಾರ ಮುಂಜಾನೆ ಧಾರವಾಡದ ಇಟ್ಟಿಗಟ್ಟಿ ಬಳಿಯ ರಾಷ್ಟ್ರೀಯ ಹೆದ್ದಾರಿಯಲ್ಲಿ ನಡೆದ ಅತ್ಯಂತ ಭೀಕರ ಹಾಗೂ ದಾರುಣ ಅಪಘಾತದ ಇಡೀ ರಾಜ್ಯವನ್ನೇ ಬೆಚ್ಚಿಬೀಳಿಸಿದೆ. ಘಟನೆಯಲ್ಲಿ ಲಾರಿ ಚಾಲಕ ಸೇರಿ ಒಟ್ಟು 13 ಮಂದಿ ಸಾವನಪ್ಪಿದ್ದಾರೆ.

ಕೊನೆಯ ಸೆಲ್ಫಿ!
ಖುಷಿಯಿಂದಲೇ ಟೆಂಪೋ ಟ್ರಾವೆಲರ್‌ನಲ್ಲಿ ಕುಳಿತ ಮಹಿಳೆಯರು, ಟ್ರಿಪ್‌ ಆರಂಭಕ್ಕೂ ಮುನ್ನ ಸೆಲ್ಫಿ ತೆಗೆದುಕೊಂಡಿದ್ದರು. ಇದೀಗ ಈ ಸೆಲ್ಫಿ ಕೊನೆಯ ಸೆಲ್ಫಿಯಾಗಿಬಿಟ್ಟಿದೆ. ಖುಷಿಯಿಂದಲೇ ಪೋಸ್‌ ಕೊಡುತ್ತಿದ್ದ ಮಹಿಳೆಯರ ನಗುವಿನ ಫೋಟೊ ನೋಡಿದಾಗ ನಿಜಕ್ಕೂ ಕರಳು ಕಿತ್ತು ಬರುತ್ತಿದೆ. ಆರಂಭದಲ್ಲಿ ಸೆಲ್ಫಿ ತೆಗೆದುಕೊಂಡು ತಮ್ಮ ಕುಟುಂಬಸ್ಥರಿಗೆ ಟೆಂಪೋ ಟ್ರಾವೆಲರ್‌ನಲ್ಲಿದ್ದ ಕೆಲ ಮಹಿಳೆಯರು ಕಳುಹಿಸಿದ್ದರು. ಸಂತೋಷದ ಸಮಯ ಎಂದು ಹಂಚಿಕೊಂಡಿದ್ದರು, ಆದರೆ ಆ ಖುಷಿ ಕೇವಲ ಸ್ವಲ್ಪ ಹೊತ್ತಲ್ಲೇ ಮರೆಯಾಗಿದೆ.

ಹಳೆಯ ಗೆಳಯರ ಸಮಾಗಮ!
ಇನ್ನು ಬಸ್‌ನಲ್ಲಿದ್ದ ಎಲ್ಲರೂ ಹೈಸ್ಕೂಲ್‌ ಮೇಟ್ಸ್‌ಗಳು ಎಂದು ಮಾಜಿ ಶಾಸಕ ಗುರುಸಿದ್ಧನಗೌಡ ಅವರ ಸೊಸೆ ಪ್ರೀತಿ ರವಿಕುಮಾರ್ ಅವರ ಕುಟುಬಸ್ಥರು ತಿಳಿಸಿದ್ದಾರೆ. ಮೃತ ಪ್ರೀತಿ ಕುಟುಂಬಸ್ಥರ ಪ್ರಕಾರ, ಕೆಲವು ತಿಂಗಳಿನಿಂದ ಪ್ರವಾಸ ಹೋಗುವ ಬಗ್ಗೆ ಹೈಸ್ಕೂಲ್‌ ಮೇಟ್ಸ್‌ಗಳು ತೀರ್ಮಾನಿಸಿದ್ದರಂತೆ. ಅದರಂತೆ ಶುಕ್ರವಾರ ಮುಂಜಾನೆ ಗೋವಾಗೆ ಹೊರಟ್ಟಿದ್ದಾರೆ. ಎಲ್ಲ ಗೆಳೆಯರು ಒಂದೆಡೆ ಸೇರಿರುವ ಖುಷಿಯು ಇಮ್ಮಡಿಯಾಗಿದ್ದಾಗಲೇ, ಈ ಅವಘಡ ಸಂಭವಿಸಿರುವುದು ನಿಜಕ್ಕೂ ದುರಾದೃಷ್ಟಕರ.

: ಧಾರವಾಡ: ಟೆಂಪೋ ಟ್ರಾವೆಲರ್- ಟಿಪ್ಪರ್‌ ನಡುವೆ ಭೀಕರ ಅಪಘಾತ, 10 ಮಹಿಳೆಯರು ಸೇರಿ 11 ಮಂದಿ ದುರ್ಮರಣ

ಹಲವು ಗಣ್ಯರ ನಿಧನ!
ಇನ್ನು ಅವಘಡದಲ್ಲಿ ಮಾಜಿ ಸಿಎಂ ಜೆ.ಎಚ್. ಪಟೇಲ್ ತಂಗಿಯ ಸೊಸೆ ಜ್ಯೋತಿ, ಮಾಜಿ ಶಾಸಕ, ಜಿಲ್ಲಾ ಬಿಜೆಪಿ ಮಾಜಿ ಅಧ್ಯಕ್ಷ ಗುರುಸಿದ್ಧನಗೌಡ ಅವರ ಸೊಸೆ ಪ್ರೀತಿ ರವಿಕುಮಾರ್ ಅವರು ಮೃತಪಟ್ಟಿದ್ದಾರೆ.