ಅಕ್ರಮ ಮದ್ಯ ಸಾಗಿಸುತ್ತಿದ್ದ ವ್ಯಕ್ತಿ ಸೆರೆ

ಹುಬ್ಬಳ್ಳಿ : ಗೋವಾ ರಾಜ್ಯದಿಂದ ಅಕ್ರಮವಾಗಿ ಮದ್ಯ ಸಾಗಿಸುತ್ತಿದ್ದ ವ್ಯಕ್ತಿಯನ್ನು ಇಲ್ಲಿನ ಪೊಲೀಸರು ಬಂಧಿಸಿ, ಒಟ್ಟು 96.4 ಲೀಟರ್‌ ಮದ್ಯ ಹಾಗೂ ಕಾರು ಜಪ್ತಿ ಮಾಡಿದ್ದಾರೆ.

ಇಲ್ಲಿಯ ಬ್ಯಾಳಿ ಓಣಿಯ ಕೇಶವ ಪಾಂಡುರಂಗಸಾ ಅಥಣಿ ಬಂಧಿತ ಆರೋಪಿ. ಅಕ್ಷಯ ಕಾಲೊನಿ ಸರ್ಕಲ್‌ ಬಳಿ ಕೇಶವ ಮತ್ತವನ ಸಹಚರ ವೇಗವಾಗಿ ಕಾರು ತೆಗೆದುಕೊಂಡು ಹೋಗಿದ್ದಾರೆ. ಈ ವೇಳೆ ಆ ಸ್ಥಳದಲ್ಲಿಕರ್ತವ್ಯದಲ್ಲಿದ್ದ ಪೊಲೀಸ್‌ ಸಿಬ್ಬಂದಿ ಎಂ.ಎಂ.ಗಡೇಣ್ಣವರ ಅನುಮಾನಗೊಂಡು ಕಾರು ಹಿಂಬಾಲಿಸಿದ್ದಾರೆ. ನಂತರ ಆರೋಪಿಗಳು ಕಾರನ್ನು ಲಕ್ಷ್ಮೇನಾರಾಯಣ ಅಪಾರ್ಟಮೆಂಟ್‌ನ ಬಳಿ ಬಿಟ್ಟು ಪರಾರಿಯಾಗಿದ್ದರು. ಈ ವೇಳೆ ಕಾರನ್ನು ಪರಿಶೀಲಿಸಿದಾಗ ಮದ್ಯದ ಬಾಟಲಿಗಳು ಸಿಕ್ಕಿದ್ದವು ಎಂದು ಪೊಲೀಸರು ತಿಳಿಸಿದ್ದಾರೆ. ಈ ಕುರಿತು ಗೋಕುಲ ಠಾಣೆಯಲ್ಲಿಪ್ರಕರಣ ದಾಖಲಾಗಿದೆ.