ಮ್ಯಾಕ್ಸಿ ಕ್ಯಾಬ್‌ ತೆರಿಗೆ ವಿನಾಯಿತಿಗೆ ಆಗ್ರಹ

ಧಾರವಾಡ : ಲಾಕ್‌ಡೌನ್‌ನಿಂದ ಆರ್ಥಿಕ ಸಂಕಷ್ಟ ಎದುರಿಸುತ್ತಿರುವ ಮ್ಯಾಕ್ಸಿ ಕ್ಯಾಬ್‌ಗಳಿಗೆ ಆರು ತಿಂಗಳ ತೆರಿಗೆ ವಿನಾಯಿತಿ ನೀಡಬೇಕು ಎಂದು ಉತ್ತರ ಕರ್ನಾಟಕ ಮ್ಯಾಕ್ಸಿ ಕ್ಯಾಬ್‌ ಮಾಲೀಕರ ಒಕ್ಕೂಟದ ಅಧ್ಯಕ್ಷ ಸಿ.ಎಸ್‌. ರಾಚಣ್ಣವರ ಆಗ್ರಹಿಸಿದ್ದಾರೆ.

ನಗರದಲ್ಲಿಇಂದು ಸುದ್ದಿಗೋಷ್ಠಿಯಲ್ಲಿಮಾತನಾಡಿದ ಅವರು, ಉತ್ತರ ಕರ್ನಾಟಕದಲ್ಲಿ8000ಕ್ಕೂ ಅಧಿಕ ಮ್ಯಾಕ್ಸಿ ಕ್ಯಾಬ್‌ಗಳು ಇವೆ. ಕ್ಯಾಬ್‌ ಮಾಲೀಕರಿಗೆ ಕಳೆದ 2 ತಿಂಗಳಿಂದ ಕ್ಯಾಬ್‌ಗಳು ರಸ್ತೆಗೆ ಇಳಿಯದೇ ಅಪಾರ ನಷ್ಟವಾಗಿದೆ. ಹೀಗಾಗಿ ಸರಕಾರ ಸಹಾಯಕ್ಕೆ ಬರಬೇಕು. ಆಟೊ ಮತ್ತು ಟ್ಯಾಕ್ಸಿ ಮಾಲೀಕರಿಗೆ, ಚಾಲಕರಿಗೆ ಸಹಾಯಧನ ನೀಡಿದ ಮಾದರಿಯಲ್ಲಿನಮಗೂ ನೀಡಬೇಕು. 2 ತಿಂಗಳ ತೆರಿಗೆ ನೀಡುವ ಭರವಸೆ ನೀಡಿದ್ದರೂ ಅದು ಗೊಂದಲದಿಂದ ಕೂಡಿದೆ ಎಂದರು.

ಇದೇ ಉದ್ಯೋಗವನ್ನು ಅವಲಂಭಿಸಿ ಸಾವಿರಾರು ಯುವಕರು ಕೆಲಸ ಮಾಡುತ್ತಾ ಕುಟುಂಬ ನಿರ್ವಹಿಸುತ್ತಿದ್ದಾರೆ. ಆದರೆ ಏಕಾಏಕಿ ಲಾಕ್‌ಡೌನ್‌ನಿಂದ ಮಾಲೀಕರು ಹಾಗೂ ಚಾಲಕರಿಗೆ ಕುಟುಂಬ ನಿರ್ವಹಣೆ ಹಾಗೂ ತೆರಿಗೆ ಪಾವತಿ ಕಷ್ಟವಾಗಿದೆ. ಸರಕಾರ ಕನಿಷ್ಠ 6 ತಿಂಗಳ ತೆರಿಗೆಯನ್ನು ರದ್ದುಗೊಳಿಸಬೇಕು ಎಂದರು.

ಹನಮಂತಪ್ಪ ಚಲವಾದಿ, ಎಚ್‌.ಎಂ.ತೋಪಿನಕಟ್ಟಿ, ಇಮಾಮ್‌ಸಾಬ್‌ ಜಿಗಳೂರ, ರಿಯಾಜ್‌ ಹಿರೇಕುಡಿ ಇತರರು ಸುದ್ದಿಗೋಷ್ಠಿಯಲ್ಲಿದ್ದರು.