ಗರಗ ಮಠಕ್ಕೆ ಶಾಸಕ ದೇಸಾಯಿ ಭೇಟಿ

ಧಾರವಾಡ: ಜನ್ಮದಿನದ ಅಂಗವಾಗಿ ತಾಲೂಕಿನ ಗರಗ ಗುರು ಮಡಿವಾಳೇಶ್ವರ ಮಠಕ್ಕೆ ಶಾಸಕ ಅಮೃತ ದೇಶಾಯಿ ಶನಿವಾರ ಭೇಟಿ ನೀಡಿ ಪೂಜೆ ಸಲ್ಲಿಸಿದರು. ನಂತರ ಗುರು ಮಡಿವಾಳೇಶ್ವರ ಟ್ರಸ್ಟಿನ ಮಕ್ಕಳತೋಟ ಪೂರ್ವ ಪ್ರಾಥಮಿಕ ಶಾಲೆ ಹಾಗೂ ಸರಕಾರಿ ಪ್ರಾಥಮಿಕ ಶಾಲೆಯಲ್ಲಿಅಮೃತ ದೇಸಾಯಿ ಗೆಳೆಯರ ಬಳಗ ವತಿಯಿಂದ ಆಯೋಜಿಸಿದ್ದÜ ಕಾರ್ಯಕ್ರಮದಲ್ಲಿಮಕ್ಕಳಿಗೆ ನೋಟಬುಕ್‌ ಹಾಗೂ ಪೆನ್‌ ನೀಡಿದರು.

ಬಳಿಕ ನರೇಂದ್ರ ಗ್ರಾಮಕ್ಕೆ ತೆರಳಿದ ಶಾಸಕರು, ನರೇಂದ್ರ ಹಾಗೂ ರಾಷ್ಟೊ್ರೕತ್ಥಾನ ರಕ್ತ ನಿಧಿ ಮತ್ತು ಎಂ ಎಂ ಜೋಶಿ ಕಣ್ಣಿನ ಆಸ್ಪತ್ರೆ ವತಿಯಿಂದ ಆಯೋಜಿಸಿದ ರಕ್ತದಾನ ಶಿಬಿರ ಹಾಗೂ ನೇತ್ರ ತಪಾಸಣಾ ಶಿಬಿರಕ್ಕೆ ಚಾಲನೆ ನೀಡಿದರು.

ತದನಂತರ ಅಮೃತ ದೇಸಾಯಿ ಗೆಳೆಯರ ಬಳಗ ಹೆಬ್ಬಳ್ಳಿ ಹಾಗೂ ಮಾಧವನ ಆಸ್ಪತ್ರೆ ನವನಗರ ಅವರಿಂದ ಆಯೋಜಿಸಿದ ರಕ್ತ ತಪಾಸಣಾ ಶಿಬಿರ ಹಾಗೂ ಮಧುಮೇಹ ರೋಗ ತಪಾಸಣಾ ಶಿಬಿರಕ್ಕೆ ಚಾಲನೆ ನೀಡಿದರು.

ಟೀಂ ಅಮೃತ ದೇಸಾಯಿ ವತಿಯಿಂದ ಅಗಸನಹಳ್ಳಿ, ದುಬ್ಬನಮರಡಿ ಹಾಗೂ ತಿಮ್ಮಾಪುರ ಗ್ರಾಮದ ಸರಕಾರಿ ಶಾಲೆಗಳಿಗೆ ಕಂಪ್ಯೂಟರ ನೀಡುವ ಮೂಲಕ ಜನ್ಮ ದಿನ ಆಚರಿಸಿಕೊಂಡರು. ಬಿಜೆಪಿ ಕಾರ್ಯಕರ್ತರು, ಅಮೃತಿ ದೇಸಾಯಿ ಅಭಿಮಾನಿ ಬಳಗದ ಯುವಕರು ಇದ್ದರು.