ಮುರಘಾಮಠ ಸಚಿವ ಜೋಶಿಗೆ ಸನ್ಮಾನ

ಧಾರವಾಡ : ಶ್ರಾವಣ ಮಾಸದ ಕಾರ್ಯಕ್ರಮಗಳನ್ನು ಆಲಿಸುವುದರಿಂದ ಮನಸಿಗೆ ನೆಮ್ಮದಿ ಸಿಗುತ್ತದೆ. ಶ್ರಾವಣದ ಅಂಗವಾಗಿ ಮುರಘಾಮಠ ಉತ್ತಮ ಕಾರ್ಯಕ್ರಮಗಳನ್ನು ಆಯೋಜಿಸಿದೆ ಎಂದು ಕೇಂದ್ರ ಸಚಿವ ಪ್ರಹ್ಲಾದ ಜೋಶಿ ಹೇಳಿದರು. ನಗರದ ಮುರಘಾಮಠದಲ್ಲಿ ಶುಕ್ರವಾರ ಸಂಜೆ ಶ್ರಾವಣ ಕಾರ್ಯಕ್ರಮದಲ್ಲಿ ಭಾಗವಹಿಸಿ ಅವರು ಮಾತನಾಡಿದರು.

ಶ್ರಾವಣ ಮಾಸವನ್ನು ಹಿಂದುಗಳು ಶ್ರದ್ಧಾ ಭಕ್ತಿಯಿಂದ ದೊಡ್ಡ ಹಬ್ಬವಾಗಿ ಆಚರಣೆ ಮಾಡುತ್ತದೆ. ಶ್ರೀಮಠದ ಕಾರ್ಯಕ್ರಮಗಳನ್ನು ಭಕ್ತರು ಉಪಯೋಗ ಪಡೆಯಬೇಕು ಎಂದ ಅವರು, ಶ್ರೀಮಠಕ್ಕೆ ಸಹಕಾರ ನೀಡಲು ಸಿದ್ಧ ಎಂದು ತಿಳಿಸಿದರು. ಇದೇ ವೇಳೆ ಮುರಘಾಮಠ ಮಲ್ಲಿಕಾರ್ಜುನ ಶ್ರೀಗಳು ಸಚಿವರನ್ನು ಸನ್ಮಾನಿಸಿದರು.

ಕಾರ್ಯಕ್ರಮದಲ್ಲಿ ಕಂಪ್ಲಿ ಶ್ರೀಗಳು, ಇಂಗಳೇಶ್ವರದ ಚೆನ್ನಬಸವ ಶ್ರೀಗಳು, ಶಾಸಕ ಅಮೃತ ದೇಸಾಯಿ, ಮಾಜಿ ಶಾಸಕಿ ಸೀಮಾ ಮಸೂತಿ, ಈರೇಶ ಅಂಚಟಗೇರಿ, ಡಿ.ಬಿ.ಲಕಮನಹಳ್ಳಿ, ನಾಗರಾಜ ಪಟ್ಟಣಶೆಟ್ಟಿ, ರಾಜು ಮರಳಪ್ಪನವರ ಸೇರಿದಂತೆ ಇತರರು ಇದ್ದರು.