ಹುಬ್ಬಳ್ಳಿ: ಜೂ.1ರವರೆಗೆ ನ್ಯಾಷನಲ್‌ ಮಾರ್ಕೆಟ್‌ ಬಂದ್‌

ಹುಬ್ಬಳ್ಳಿ: ವಾಣಿಜ್ಯನಗರಿಯ ಜನಪ್ರಿಯ ಮಾರುಕಟ್ಟೆ ನ್ಯಾಷನಲ್‌ ಮಾರ್ಕೆಟ್‌ನಲ್ಲಿ ಅಂಗಡಿಗಳನ್ನು ಕೊರೊನಾ ವೈರಸ್‌ ಭೀತಿ ಹಿನ್ನೆಲೆಯಲ್ಲಿಸ್ವಯಂ ಪ್ರೇರಿತವಾಗಿ ಜೂನ್‌ 1ರ ವರೆಗೆ ಬಂದ್‌ ಮಾಡುವ ಮೂಲಕ ವ್ಯಾಪಾರಸ್ಥರು ನಿರ್ಧಾರ ಕೈಗೊಂಡಿದ್ದಾರೆ.

ಕೊರೊನಾ ವೈರಸ್‌ ಭೀತಿ ಹಿನ್ನೆಲೆಯಲ್ಲಿ ಮೂರನೇ ಹಂತದ ಲಾಕ್‌ ಡೌನ್‌ ಜಾರಿಗೊಳಿಸಿ ಸ್ವಲ್ಪ ಪ್ರಮಾಣದಲ್ಲಿ ಸಡಿಲಿಕೆ ನೀಡಿ ಅಂಗಡಿ ಮುಂಗಟ್ಟು ತೆರೆಯಲು ಅನುಮತಿ ನೀಡಲಾಗಿತ್ತು. ಈ ಹಿನ್ನೆಲೆಯಲ್ಲಿಗ್ರಾಹಕರು ಖರೀದಿಗೆ ಹೆಚ್ಚಿನ ಸಂಖ್ಯೆಯಲ್ಲಿಆಗಮಿಸುತ್ತಿದ್ದು, ಯಾವುದೇ ಸಾಮಾಜಿಕ ಅಂತರ ಕಾಯ್ದುಕೊಳ್ಳಲು ಸಾಧ್ಯವಾಗುತ್ತಿಲ್ಲ. ಆದ್ದರಿಂದ ನ್ಯಾಷನಲ್‌ ಮಾರ್ಕೆಟ್‌ ಮಾಲೀಕರ ಸಂಘದಿಂದ ಇಂತಹ ನಿರ್ಧಾರ ಕೈಗೊಳ್ಳಲಾಗಿದೆ.

ಈ ಮೂಲಕ ಸರಕಾರದ ಲಾಕ್‌ಡೌನ್‌ ಆದೇಶಕ್ಕೆ ವಿಶೇಷ ರೀತಿಯಲ್ಲಿಸ್ಪಂದನೆ ನೀಡಿದ್ದಾರೆ. ಈ ಸಂದರ್ಭದಲ್ಲಿಅಬ್ದುಲ್‌ ರೆಹಮಾನಸಾಬ ರಗಟಿ, ಸುಭಾಷ್‌ ಅಂಕಲಕೊಟಿ, ಶಬ್ಬೀರ ಚುಹ್ವೆ, ನಾರಾಯಣ ಕದಮ, ಪವನ ಕಾಟವೆ, ನಿಯಾಝ್‌ ಪಠಾಣ ಸೇರಿದಂತೆ ಇತರರು ಇದ್ದರು.