ಕಾಂಗ್ರೆಸ್‌ ಕಚೇರಿಯಲ್ಲಿ ನೆಹರು ಜಯಂತಿ ಆಚರಣೆ

ಧಾರವಾಡ: ರಾಣಿ ಚನ್ನಮ್ಮ ಬ್ಲಾಕ್‌ ಕಾಂಗ್ರೆಸ್‌ ವತಿಯಿಂದ ಗುರುವಾರ ನಗರದ ಕಾಂಗ್ರೆಸ್‌ ಕಚೇರಿಯಲ್ಲಿ 130ನೇ ನೆಹರು ಜಯಂತಿ ಆಚರಿಸಲಾಯಿತು.
ಬ್ಲಾಕ್‌ ಕಾಂಗ್ರೆಸ್‌ ಅಧ್ಯಕ್ಷ ಬಸವರಾಜ ಮಲಕಾರಿ ಮಾತನಾಡಿ, ಇಂದಿನ ಭವ್ಯ ಭಾರತ ದೇಶದ ಪರಿಕಲ್ಪನೆ, ಅಡಿಪಾಯಕ್ಕೆ ನೆಹರು ಅವರ ದೂರದೃಷ್ಟಿಯೇ ಕಾರಣ. ಮಕ್ಕಳ ಮೇಲೆ ವಿಶೇಷ ಪ್ರೀತಿ, ಕಾಳಜಿಯನ್ನು ಚಾಚಾ ನೆಹರು ಹೊಂದಿದ್ದರು ಎಂದರು.

ಅಧ್ಯಕ್ಷತೆ ವಹಿಸಿದ್ದ ಕೆಪಿಸಿಸಿ ಸದಸ್ಯ ರಾಬರ್ಟ ದದ್ದಾಪುರಿ ಮಾತನಾಡಿ, ದೇಶದ ಮೊದಲ ಪ್ರಧಾನಿಯಾಗಿ ಜವಾಹರಲಾಲ್‌ ನೆಹರು ಅನೇಕ ಜನಪ್ರಿಯ ಯೋಜನೆ ನೀಡಿದರು ಎಂದರು.

ಸುಭಾಶ ಸಿಂಧೆ, ದಾನಪ್ಪ ಕಬ್ಬೇರ, ನಾಗರಾಜ ಗುರಿಕಾರಿ, ಪ್ರಭಾವತಿ ವಡ್ಡಿನ, ರಮೇಶ ನಲವಡಿ, ಭೀಮಣ್ಣ ಹೊನಕೇರಿ, ಆನಂದ ಜಾಧವ, ಪ್ರಕಾಶ ಘಾಟಗೆ ಇದ್ದರು.
ಹೇಮಂತ ಗುರ್ಲಹೊಸುರ ನಿರೂಪಿಸಿ ವಂದಿಸಿದರು.