ಸರಕು ವಾಹನದಲ್ಲಿ ಪ್ಯಾಸೆಂಜರ್‌ ಬೇಡ

ಅಳ್ನಾವರ : ಸರಕು ಸಾಗಣೆ ವಾಹನದಲ್ಲಿ ಜನರನ್ನು ಕರೆದುಕೊಂಡು ಹೋಗುವದು ಅಪರಾಧÜವಾಗಿದ್ದು ಅಂತಹ ವಾಹನಗಳ ಮಾಲಿಕರ ಮೇಲೆ ಕಾನೂನು ಕ್ರಮ ಕೈಕೊಳ್ಳಲಾಗುವುದೆಂದು ಅಳ್ನಾವರ ಪಿಎಸ್‌ಐ ಅನಿಲಕುಮಾರ ಹೇಳಿದರು.

ಅಳ್ನಾವರ ಠಾಣೆ ವತಿಯಿಂದ ಆಯೋಜಿಸಿದ್ದ ಜಾಗೃತಿ ಕಾರ್ಯಕ್ರಮದಲ್ಲಿ ಅವರು ಮಾತನಾಡಿ ಸರಕು ಸಾಗಣೆ ವಾಹನದಲ್ಲಿ ಪ್ರಯಾಣಿಸುವುದು ಸುರಕ್ಷಿತವಲ್ಲ ಅಪಘಾತ ನಡೆದ ಸಂದರ್ಭದಲ್ಲಿ ಯಾವುದೆ ಪರಿಹಾರ ದೊರೆಯುವುದಿಲ್ಲ .ಇದರ ಬಗ್ಗೆ ಜನರು ಅರಿತುಕೊಳ್ಳಬೇಕೆಂದರು.

ನಿಗದಿತ ಸಂಖ್ಯೆಗಿಂತ ಅಧಿಕ ಜನರು ಪ್ರಯಾಣಿಸುವುದು ಕಂಡು ಬರುತ್ತಿದ್ದು ಪರವಾನಗಿ ಪಡೆದ ಸಂಖ್ಯೆಯಷ್ಟೆ ಜನರನ್ನು ವಾಹನಗಳಲ್ಲಿ ಹತ್ತಿಸಿಕೊಳ್ಳಬೇಕು. ಇದರ ಬಗ್ಗೆ ವಾಹನ ಮಾಲಕರು ಚಾಲಕರು ನಿಗಾ ವಹಿಸಿಕೊಳ್ಳಬೇಕೆಂದರು. ಸರಕು ವಾಹನದಲ್ಲಿ ಜನರನ್ನು ಕರೆದುಕೊಂಡು ಹೋಗುವ ವಾಹನಗಳ ಪರವಾನಗಿ ರದ್ದು ಮಾಡಲು ಅವಕಾಶವಿದ್ದು ಕಾನೂನಿಗೆ ವಿರುದ್ಧವಾಗಿ ನಡೆದುಕೊಳ್ಳುವ ಚಾಲಕರ ಚಾಲನಾ ಪರವಾನಗಿಯನ್ನು ಸಹ ರದ್ದು ಪಡಿಸಲಾಗುವುದೆಂದು ತಿಳಿಸಿದರು. ಕಾರ್ಯಕ್ರಮದಲ್ಲಿ ಖಾಸಗಿ ವಾಹನಗಳ ಚಾಲಕರು ಮಾಲಕರು ಪಾಲ್ಗೊಂಡಿದ್ದರು