ಇಲ್ಲಿ ಯಾರೂ ಬೆಗ್ಗರ್ಸ್‌ ಅಲ್ಲ-ಸಿಎಂಗೆ ಎಂಬಿಪಿ ತಿರುಗೇಟು

ಹುಬ್ಬಳ್ಳಿ : ಕಾಂಗ್ರೆಸ್‌ನವರು ಜೆಡಿಎಸ್‌ ಪಕ್ಷದವರನ್ನು ಬೆಗ್ಗರ್ಸ್‌ (ಭಿಕ್ಷಕರು) ಎಂದುಕೊಂಡಿಲ್ಲ. ಇಲ್ಲಿ ಯಾರೂ ಬೆಗ್ಗರ್ಸ್‌ ಅಲ್ಲ ಎಂದು ಗೃಹ ಸಚಿವ ಎಂ.ಬಿ.ಪಾಟೀಲ್‌ ಅವರು ಸಿಎಂ ಕುಮಾರಸ್ವಾಮಿಗೆ ಟಾಂಗ್‌ ನೀಡಿದ್ದಾರೆ.

ನಗರದ ವಿಮಾನ ನಿಲ್ದಾಣದಲ್ಲಿ ಮಾತನಾಡಿದ ಅವರು, ''ರಾಜ್ಯದಲ್ಲಿ ಸಮ್ಮಿಶ್ರ ಸರಕಾರವಿದೆ. ಕೊಡುವುದು, ತೆಗೆದುಕೊಳ್ಳುವುದಿದೆ. ಈ ಬಗ್ಗೆ ಪಕ್ಷ ದ ವರಿಷ್ಠರು ತೀರ್ಮಾನ ತೆಗೆದುಕೊಳ್ಳುತ್ತಾರೆ. ಹೀಗಾಗಿ ಯಾರಿಗೂ ಯಾರು ಬೆಗ್ಗರ್ಸ್‌ ಅಲ್ಲ. ಸಿಎಂ ಕುಮಾರಸ್ವಾಮಿ ಭಾವೋದ್ವೇಗದಲ್ಲಿ ಈ ಮಾತು ಹೇಳಿರಬೇಕು'' ಎಂದರು.

ಶಾಸಕ ಸಿ.ಟಿ.ರವಿ ಕಾರು ಅಪಘಾತ ಪ್ರಕರಣ ಕುರಿತು ಪ್ರತಿಕ್ರಿಯಿಸಿದ ಪಾಟೀಲ, ''ರವಿ ಅವರು ಕಾರು ಚಲಾಯಿಸುತಿದ್ದರೋ ಇಲ್ಲ ಎಂಬುದು ತನಿಖೆ ಆಗಬೇಕಿದೆ. ಈಗಾಗಲೇ ತನಿಖೆ ನಡೆಯುತ್ತಿದೆ. ತನಿಖೆ ಪೂರ್ಣಗೊಂಡ ಬಳಿಕ ತಪ್ಪಿತಸ್ಥರ ವಿರುದ್ದ ಕ್ರಮ ಕೈಗೊಳ್ಳಲಾಗುವುದು'' ಎಂದರು.