ಅಧಿಕಾರಿಗಳ ಗೈರು, ಗ್ರಾಮ ಸಭೆ ಮುಂದಕ್ಕೆ

ಕಲಘಟಗಿ : ತಾಲೂಕಿನ ಜಿನ್ನೂರ ಗ್ರಾಪಂ ಸಭೆಗೆ ತಾಲೂಕಿನ ಸಮಾಜ ಕಲ್ಯಾಣ ಅಧಿಕಾರಿಗಳನ್ನು ಹೂರತುಪಡಿಸಿ ಯಾವುದೇ ಅಧಿಕಾರಿಗಳು ಬರದಿದ್ದರಿಂದ ಸಭೆ ರದ್ದುಪಡಿಸಿ ಮುಂದೂಡಲಾಗಿದೆ.

ಗ್ರಾಮ ಸಭೆ ಗುರುವಾರ ಆಯೋಜಿಸಲಾಗಿದೆ ಎಂದು ಸಂಬಂಧಪಟ್ಟ ಎಲ್ಲಇಲಾಖೆ ಅಧಿಕಾರಿಗಳಿಗೆ ನೋಟಿಸ್‌ ನೀಡಿದರೂ ನಿರ್ಲಕ್ಷ್ಯದಿಂದ ಗೈರುಹಾಜರಾದ ಅಧಿಕಾರಗಳ ಮೇಲೆ ಸಾರ್ವಜನಿಕರು ಗರಂ ಆಗಿದ್ದರು. ಅಲ್ಲದೆ ಕೃಷಿ ಅಧಿಕಾರಿಗಳು, ಗ್ರಾಮ ಲೆಕ್ಕಾಧಿಕಾರಿಗಳು ನಿರ್ಲಕ್ಷ್ಯ ವಹಿಸಿ ಕೆಲಸ ನಿರ್ವಹಿಸುತ್ತಿದ್ದಾರೆ. ಎಲ್ಲಇಲಾಖೆ ಅಧಿಕಾರಿಗಳಿಗೆ ನೋಟಿಸ್‌ ಜಾರಿ ಮಾಡಿ ಮುಂದಿನ ಸಭೆಗೆ ಕಡ್ಡಾಯವಾಗಿ ಹಾಜರಾಗÜಬೇಕು ಎಂದು ಪಿಡಿಒ ಬೂದಪ್ಪ ದ್ಯಾವಪ್ಪನವರ, ಗ್ರಾಪ ಅಧ್ಯಕ್ಷ ಮಂಜುನಾಥ ನೀಲಣ್ಣವರಿಗೆ ಆಗ್ರಹಿಸಿದರು.

ಸದಸ್ಯರಾದ ಬಸವರಾಜ ಅಗಡಿ, ಕಮಲವ್ವ ಕುರಿಯವರ, ಬಸವರಾಜ ವಡ್ಡರ, ಗ್ರಾಮಸ್ಥರು ಪಾಲ್ಗೊಂಡಿದ್ದರು.