ಕಲ್ಮೇಶ ಪಟ್ಟಣದವರ
ಹುಬ್ಬಳ್ಳಿ: ಅವಳಿನಗರದಲ್ಲಿ ಸ್ಮಾರ್ಟ್ಸಿಟಿ ಯೋಜನೆಯಡಿ ಅಭಿವೃದ್ಧಿಪಡಿಸುತ್ತಿರುವ ಉದ್ಯಾನದಲ್ಲಿ ವಾಯು ವಿಹಾರಕ್ಕೆ ಪೂರಕ ವ್ಯವಸ್ಥೆ ಕಲ್ಪಿಸುವ ಜತೆಗೆ ಜನರಿಗೆ ಅನುಕೂಲವಾಗಲು ವ್ಯಾಯಾಮ ಮಾಡಲು 'ಓಪನ್ ಜಿಮ್' ತೆರೆಯಲಾಗುತ್ತಿದೆ.
ಸ್ಮಾರ್ಟ್ಸಿಟಿ ಯೋಜನೆಯಡಿ 14.70 ಕೋಟಿ ರೂ. ವೆಚ್ಚದಲ್ಲಿ ಇಲ್ಲಿಯ ಇಂದಿರಾ ಗಾಜಿನ ಮನೆ ಉದ್ಯಾನವನ್ನು ಅತ್ಯಾಧುನಿಕ ಮಾದರಿಯಲ್ಲಿ ಸ್ಮಾರ್ಟ್ ಉದ್ಯಾನವನ್ನಾಗಿ ಅಭಿವೃದ್ಧಿಪಡಿಸಲಾಗುತ್ತಿದೆ. ಈ ಹಿನ್ನೆಲೆಯಲ್ಲಿ ಸಾರ್ವಜನಿಕರಿಗೆ ಉಪಯುಕ್ತವಾದ ವ್ಯಾಯಾಮ ಸಾಮಗ್ರಿಗಳನ್ನು ಓಪನ್ ಜಿಮ್ನಲ್ಲಿ ಇಡಲಾಗುತ್ತಿದೆ.
ಜಿಮ್ ಅನುಷ್ಠಾನಕ್ಕೆ ಈಗಾಗಲೇ ಹುಬ್ಬಳ್ಳಿಯ ಇ-ಸ್ಪೋಟ್ಸ್ ಕಂಪನಿಗೆ ಟೆಂಡರ್ ನೀಡಲಾಗಿದೆ. ಜಿಮ್ನಲ್ಲಿ ಬೆಳಗ್ಗೆ 5.30 ರಿಂದ 9.30ರವರೆಗೆ ಸಾರ್ವಜನಿಕರಿಗೆ ಮುಕ್ತ ಅವಕಾಶ ಕಲ್ಪಿಸಲಾಗುತ್ತಿದೆ. ಇದರ ನಿರ್ವಹಣೆಗೆ ಪ್ರತ್ಯೇಕ ವ್ಯವಸ್ಥೆ ಮಾಡಲಾಗುತ್ತಿದ್ದು, ಇ-ಸ್ಪೋಟ್ಸ್ ಕಂಪನಿಯ ಪ್ರತಿನಿಧಿ ಜನರಿಗೆ ಅಗತ್ಯ ತರಬೇತಿ ನೀಡಲಿದ್ದಾರೆ. ಯಾವ ವ್ಯಾಯಾಮದಿಂದ ದೇಹ ಮತ್ತು ಆರೋಗ್ಯಕ್ಕೆ ಲಾಭವಾಗುತ್ತದೆ ಎಂಬುದನ್ನು ಮಾಹಿತಿ ನೀಡಲಿದ್ದಾರೆ. ಆದರೆ ನಿತ್ಯ ಬೆಳಗ್ಗೆ 9.30ರ ನಂತರ ಜಿಮ್ ಪ್ರವೇಶ ನಿರಾಕರಿಸಲು ನಿರ್ಧರಿಸಲಾಗಿದೆ.
ಉದ್ಯಾನವನದಲ್ಲಿ ಏರ್ ವಾಲ್ಕರ್, ಲೆಗ್ ಸ್ಟೇಕ್ಚರ್, ಸೈಕಲ್, ಬಾಡಿ ಜಾಕ್, ಹಿಪ್ ಸ್ವಿಂಗ್, ಆರ್ಮ್ ಸ್ಪೀನ್ನರ್, ಕ್ರಾಸ್ ಟ್ರೈನರ್, ಸಿಟೆಡ್ ಲೆಗ್ ಪ್ರೆಸ್, ಸಿಟೆಡ್ ಚೆಸ್ಟ್ ಪ್ರೆಸ್, ಬ್ಯಾಕ್ ಮಸಾಜರ್ ವ್ಯಾಯಾಮ ಯಂತ್ರಗಳನ್ನು ಅಳವಡಿಸಲು ನಿರ್ಧರಿಸಲಾಗಿದೆ. ಇವುಗಳ ಸಹಾಯದೊಂದಿಗೆ ಮಾಡುವ ವ್ಯಾಯಮದಿಂದ ಚಲನಶೀಲತೆ, ರಕ್ತ ಪರಿಚಲನೆ, ಹೃದಯ, ಸೊಂಟ, ಎದೆ ತೋಳುಗಳು ಹಾಗೂ ಕಾಲುಗಳಿಗೆ ಬಲ ಬರುತ್ತದೆ. ಅಲ್ಲದೆ, ಸ್ನಾಯು ಮತ್ತು ಕೀಲುಗಳಿಗೆ ಚುರುಕುಗೊಳ್ಳುತ್ತವೆ. ಅದರಲ್ಲೂ ಕ್ರಾಸ್ ಟ್ರೈನರ್ನಿಂದ ಮಾಡುವ ವ್ಯಾಯಾಮದಿಂದ ಶಸ್ತ್ರಚಿಕಿತ್ಸೆಗೊಳಗಾದ ವ್ಯಕ್ತಿಗಳಲ್ಲಿ ಸೊಂಟ ಮತ್ತು ಕಾಲುಗಳಲ್ಲಿ ಚಲನಶೀಲತೆ ಹೆಚ್ಚುತ್ತದೆ ಹಾಗೂ ಹೃದಯ ಮತ್ತು ಶ್ವಾಸಕೋಶದ ಶಕ್ತಿ ಸುಧಾರಿಸುತ್ತದೆ.
ಜಿಮ್ ಉದ್ದೇಶ
ಉತ್ತಮ ಆರೋಗ್ಯಕ್ಕೆ ವಾಯು ವಿಹಾರ ಮತ್ತು ವಿವಿಧ ವ್ಯಾಯಾಮ ಅಗತ್ಯ. ಆದರೆ, ವ್ಯಾಯಾಮ ಸೌಲಭ್ಯವಿಲ್ಲದೇ ಅನೇಕರು ವಾಯು ವಿಹಾರ ಸೇರಿದಂತೆ ತಮಗೆ ತಿಳಿದ ವ್ಯಾಯಾಮ ಮಾಡಿಕೊಂಡು ತೆರಳುತ್ತಾರೆ. ಹೀಗಾಗಿ ಇದಕ್ಕೆ ಪೂರಕ ವ್ಯವಸ್ಥೆ ಕಲ್ಪಿಸುವ ಮತ್ತು ಸಾರ್ವಜನಿಕರ ದೈಹಿಕ ಶ್ರಮ ಪೂರ್ಣಗೊಳಿಸುವ ಉದ್ದೇಶದೊಂದಿಗೆ 'ಓಪನ್ ಜಿಮ್' ತೆರೆಯಲಾಗುತ್ತಿದೆ.
ಕೇಂದ್ರ ಹಾಗೂ ರಾಜ್ಯ ಸರಕಾರದ ಸಹಭಾಗಿತ್ವದ ಸ್ಮಾಟ್ಸಿಟಿ ಯೋಜನೆಯಡಿ ಸ್ಮಾರ್ಟ್ ಸಿಟಿಗೆ ಸ್ಮಾರ್ಟ್ ಉದ್ಯಾನ ನಿರ್ಮಿಸುತ್ತಿರುವ ಬಗ್ಗೆ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗುತ್ತಿದೆ. ಆದರೆ, ಈಗಾಗಲೇ ಇದೇ ಉದ್ಯಾನದ ಅಭಿವೃದ್ಧಿಗೆ ಸಾಕಷ್ಟು ಹಣ ವ್ಯಯಿಸಿದ್ದರೂ, ಈ ಉದ್ಯಾನ ಮಾತ್ರ ಸುಧಾರಣೆ ಆಗಿಲ್ಲ. ಆದ್ದರಿಂದ ಸ್ಮಾರ್ಟ್ಸಿಟಿ ಯೋಜನೆಯಲ್ಲಾದರೂ, ನಿರ್ವಹಣೆ ಅಚ್ಚುಕಟ್ಟಾಗಿ ಆಗಬೇಕೆಂಬದು ಸಾರ್ವಜನಿಕರ ಒತ್ತಾಯವಾಗಿದೆ.
ಹುಬ್ಬಳ್ಳಿ: ಅವಳಿನಗರದಲ್ಲಿ ಸ್ಮಾರ್ಟ್ಸಿಟಿ ಯೋಜನೆಯಡಿ ಅಭಿವೃದ್ಧಿಪಡಿಸುತ್ತಿರುವ ಉದ್ಯಾನದಲ್ಲಿ ವಾಯು ವಿಹಾರಕ್ಕೆ ಪೂರಕ ವ್ಯವಸ್ಥೆ ಕಲ್ಪಿಸುವ ಜತೆಗೆ ಜನರಿಗೆ ಅನುಕೂಲವಾಗಲು ವ್ಯಾಯಾಮ ಮಾಡಲು 'ಓಪನ್ ಜಿಮ್' ತೆರೆಯಲಾಗುತ್ತಿದೆ.
ಸ್ಮಾರ್ಟ್ಸಿಟಿ ಯೋಜನೆಯಡಿ 14.70 ಕೋಟಿ ರೂ. ವೆಚ್ಚದಲ್ಲಿ ಇಲ್ಲಿಯ ಇಂದಿರಾ ಗಾಜಿನ ಮನೆ ಉದ್ಯಾನವನ್ನು ಅತ್ಯಾಧುನಿಕ ಮಾದರಿಯಲ್ಲಿ ಸ್ಮಾರ್ಟ್ ಉದ್ಯಾನವನ್ನಾಗಿ ಅಭಿವೃದ್ಧಿಪಡಿಸಲಾಗುತ್ತಿದೆ. ಈ ಹಿನ್ನೆಲೆಯಲ್ಲಿ ಸಾರ್ವಜನಿಕರಿಗೆ ಉಪಯುಕ್ತವಾದ ವ್ಯಾಯಾಮ ಸಾಮಗ್ರಿಗಳನ್ನು ಓಪನ್ ಜಿಮ್ನಲ್ಲಿ ಇಡಲಾಗುತ್ತಿದೆ.
ಜಿಮ್ ಅನುಷ್ಠಾನಕ್ಕೆ ಈಗಾಗಲೇ ಹುಬ್ಬಳ್ಳಿಯ ಇ-ಸ್ಪೋಟ್ಸ್ ಕಂಪನಿಗೆ ಟೆಂಡರ್ ನೀಡಲಾಗಿದೆ. ಜಿಮ್ನಲ್ಲಿ ಬೆಳಗ್ಗೆ 5.30 ರಿಂದ 9.30ರವರೆಗೆ ಸಾರ್ವಜನಿಕರಿಗೆ ಮುಕ್ತ ಅವಕಾಶ ಕಲ್ಪಿಸಲಾಗುತ್ತಿದೆ. ಇದರ ನಿರ್ವಹಣೆಗೆ ಪ್ರತ್ಯೇಕ ವ್ಯವಸ್ಥೆ ಮಾಡಲಾಗುತ್ತಿದ್ದು, ಇ-ಸ್ಪೋಟ್ಸ್ ಕಂಪನಿಯ ಪ್ರತಿನಿಧಿ ಜನರಿಗೆ ಅಗತ್ಯ ತರಬೇತಿ ನೀಡಲಿದ್ದಾರೆ. ಯಾವ ವ್ಯಾಯಾಮದಿಂದ ದೇಹ ಮತ್ತು ಆರೋಗ್ಯಕ್ಕೆ ಲಾಭವಾಗುತ್ತದೆ ಎಂಬುದನ್ನು ಮಾಹಿತಿ ನೀಡಲಿದ್ದಾರೆ. ಆದರೆ ನಿತ್ಯ ಬೆಳಗ್ಗೆ 9.30ರ ನಂತರ ಜಿಮ್ ಪ್ರವೇಶ ನಿರಾಕರಿಸಲು ನಿರ್ಧರಿಸಲಾಗಿದೆ.
ಉದ್ಯಾನವನದಲ್ಲಿ ಏರ್ ವಾಲ್ಕರ್, ಲೆಗ್ ಸ್ಟೇಕ್ಚರ್, ಸೈಕಲ್, ಬಾಡಿ ಜಾಕ್, ಹಿಪ್ ಸ್ವಿಂಗ್, ಆರ್ಮ್ ಸ್ಪೀನ್ನರ್, ಕ್ರಾಸ್ ಟ್ರೈನರ್, ಸಿಟೆಡ್ ಲೆಗ್ ಪ್ರೆಸ್, ಸಿಟೆಡ್ ಚೆಸ್ಟ್ ಪ್ರೆಸ್, ಬ್ಯಾಕ್ ಮಸಾಜರ್ ವ್ಯಾಯಾಮ ಯಂತ್ರಗಳನ್ನು ಅಳವಡಿಸಲು ನಿರ್ಧರಿಸಲಾಗಿದೆ. ಇವುಗಳ ಸಹಾಯದೊಂದಿಗೆ ಮಾಡುವ ವ್ಯಾಯಮದಿಂದ ಚಲನಶೀಲತೆ, ರಕ್ತ ಪರಿಚಲನೆ, ಹೃದಯ, ಸೊಂಟ, ಎದೆ ತೋಳುಗಳು ಹಾಗೂ ಕಾಲುಗಳಿಗೆ ಬಲ ಬರುತ್ತದೆ. ಅಲ್ಲದೆ, ಸ್ನಾಯು ಮತ್ತು ಕೀಲುಗಳಿಗೆ ಚುರುಕುಗೊಳ್ಳುತ್ತವೆ. ಅದರಲ್ಲೂ ಕ್ರಾಸ್ ಟ್ರೈನರ್ನಿಂದ ಮಾಡುವ ವ್ಯಾಯಾಮದಿಂದ ಶಸ್ತ್ರಚಿಕಿತ್ಸೆಗೊಳಗಾದ ವ್ಯಕ್ತಿಗಳಲ್ಲಿ ಸೊಂಟ ಮತ್ತು ಕಾಲುಗಳಲ್ಲಿ ಚಲನಶೀಲತೆ ಹೆಚ್ಚುತ್ತದೆ ಹಾಗೂ ಹೃದಯ ಮತ್ತು ಶ್ವಾಸಕೋಶದ ಶಕ್ತಿ ಸುಧಾರಿಸುತ್ತದೆ.
ಜಿಮ್ ಉದ್ದೇಶ
ಉತ್ತಮ ಆರೋಗ್ಯಕ್ಕೆ ವಾಯು ವಿಹಾರ ಮತ್ತು ವಿವಿಧ ವ್ಯಾಯಾಮ ಅಗತ್ಯ. ಆದರೆ, ವ್ಯಾಯಾಮ ಸೌಲಭ್ಯವಿಲ್ಲದೇ ಅನೇಕರು ವಾಯು ವಿಹಾರ ಸೇರಿದಂತೆ ತಮಗೆ ತಿಳಿದ ವ್ಯಾಯಾಮ ಮಾಡಿಕೊಂಡು ತೆರಳುತ್ತಾರೆ. ಹೀಗಾಗಿ ಇದಕ್ಕೆ ಪೂರಕ ವ್ಯವಸ್ಥೆ ಕಲ್ಪಿಸುವ ಮತ್ತು ಸಾರ್ವಜನಿಕರ ದೈಹಿಕ ಶ್ರಮ ಪೂರ್ಣಗೊಳಿಸುವ ಉದ್ದೇಶದೊಂದಿಗೆ 'ಓಪನ್ ಜಿಮ್' ತೆರೆಯಲಾಗುತ್ತಿದೆ.
ಕೇಂದ್ರ ಹಾಗೂ ರಾಜ್ಯ ಸರಕಾರದ ಸಹಭಾಗಿತ್ವದ ಸ್ಮಾಟ್ಸಿಟಿ ಯೋಜನೆಯಡಿ ಸ್ಮಾರ್ಟ್ ಸಿಟಿಗೆ ಸ್ಮಾರ್ಟ್ ಉದ್ಯಾನ ನಿರ್ಮಿಸುತ್ತಿರುವ ಬಗ್ಗೆ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗುತ್ತಿದೆ. ಆದರೆ, ಈಗಾಗಲೇ ಇದೇ ಉದ್ಯಾನದ ಅಭಿವೃದ್ಧಿಗೆ ಸಾಕಷ್ಟು ಹಣ ವ್ಯಯಿಸಿದ್ದರೂ, ಈ ಉದ್ಯಾನ ಮಾತ್ರ ಸುಧಾರಣೆ ಆಗಿಲ್ಲ. ಆದ್ದರಿಂದ ಸ್ಮಾರ್ಟ್ಸಿಟಿ ಯೋಜನೆಯಲ್ಲಾದರೂ, ನಿರ್ವಹಣೆ ಅಚ್ಚುಕಟ್ಟಾಗಿ ಆಗಬೇಕೆಂಬದು ಸಾರ್ವಜನಿಕರ ಒತ್ತಾಯವಾಗಿದೆ.