ಸರಕಾರ ಬೀಳಿಸಲು ಅಪರೇಷನ್‌ ಸಿದ್ದರಾಮಯ್ಯ

ಹುಬ್ಬಳ್ಳಿ: ಸರಕಾರ ಬೀಳಿಸುವುದರಲ್ಲಿ ಇನ್ಮುಂದೆ ಆಪರೇಷನ್‌ ಕಮಲದ ಪಾತ್ರ ಇರುವುದಿಲ್ಲ. ಬದಲಾಗಿ, ಆಪರೇಶನ್‌ ಸಿದ್ದರಾಮಯ್ಯನವರ ಪಾತ್ರ ಇರಲಿದೆ ಎಂದು ಮಾಜಿ ಸಚಿವ ಬಸವರಾಜ ಬೊಮ್ಮಾಯಿ ಹೇಳಿದರು.

ಸೋಮವಾರ ಕುಂದಗೋಳದಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು 'ಈಗಾಗಲೇ ಕಾಂಗ್ರೆಸ್‌-ಜೆಡಿಎಸ್‌ಗೆ ಆಪರೇಷನ್‌ ಸಿದ್ದರಾಮಯ್ಯ ಮುನ್ಸೂಚನೆ ಸಿಕ್ಕಿದೆ. ಅದರಂತೆ ಕಾಂಗ್ರೆಸ್‌-ಜೆಡಿಎಸ್‌ ಆಪರೇಷನ್‌ ಕಮಲದ ಬಗ್ಗೆ ಗಮನಹರಿಸದೆ, ಆಪರೇಷನ್‌ ಸಿದ್ದರಾಮಯ್ಯ ಕಡೆ ಗಮನಹರಿಸಬೇಕು. ಮೇ 23ರ ನಂತರ ಸಿದ್ದರಾಮಯ್ಯ ಅವರಿಂದ ಸರಕಾರಕ್ಕೆ ತೊಂದರೆ ಆಗಲಿದೆ. ಈ ಭೀತಿಯಿಂದ ಸಿಎಂ ಕುಮಾರಸ್ವಾಮಿ ಅವರು ತಮ್ಮ ಶಾಸಕರ ಸಭೆ ನಡೆಸುತ್ತಿದ್ದಾರೆ ' ಎಂದು ತಿಳಿಸಿದರು.